Notaris Ghisebertus Visscher geeft op verzoek van Tytardus, commandeur van Wijtwerd, een authentiek afschrift van de akte van bevestiging (1402 mei 6) door de paus van de privileges aan het klooster Wijtwerd verleend.

In nomine domini amen. Anno a nativitate eiusdem millesimo quadringentesimo quadragesimo indictione tercia mensis junii die vicesima prima hora none
vel quasi pontificatus sanctissimi in Christo patris ac domini nostri domini Eugenii divina providencia pape quarti anno decimo in mei notarii publici testiumque
infrascriptorum ad hoc vocatorum et rogatorum praesencia propter hoc personaliter constitutus venerabilis et religiosus vir dominus Tytardus commendator domus hospitalis
sancti Johannis Jherossolymitani in Wytwerth monasteriensis diocesis exhibuit et praesentavit michi quasdam litteras apostolicas felicis recordacionis domini pape Bonifacii noni eius vera
bulla plumbea cum filis sericis more Romane Curie impendente bullatas sanas et integras non viciatas nec cancellatas non abolitas nec abra-
sas neque in aliqua sui parte ut apparuit suspectas sed omnium [...] vicio et suspicientum [...] quas sibi a me notario publico peciit et requisivit excopiari
transscribi transumi et in publicam formam redigi iuxta dictamen cuius cumque sapientis quarum litterarum tenor de verbo ad verbum hic inferior annotatur.
Acta fuerunt hec in opido Groningen in camera scriptoris opidi predicti sub anno indictione mensis die hora et pontificatu quibus supra. Praesentibus providis
et honestis viris domino Conrado curato in Hersense monasteriensis, Engelberto Boleken et Lodewico Horneken opidanis in dicto Groningen Tra-
iectensis diocesis testibus ad praemissa vocatis specialiter et rogatis. Et ut fides efficacior praesentibus adhibeatur Nos Rodolphus ad sanctum Bernardum
in Adewert, Haro ad sanctum Benedictum in Rottum, Poncianus ad sanctum Benedictum in Silo et Johannes in Merna ordinis praemonstratensis monasteriorum Abbates
litteras apostolicas supradictas vidimus, prospeximus et tractavimus ac eas sanas et integras ut prefertur invenimus ideo ad rogatum dicti domini commendato-
ris in maius robur firmitatis sigilla nostra praesentibus duximus impendenda. Tenor vero litterarum apostolicarum de quibus supra fit mencio sequitur et est
talis: [---]

[VOLGT: kla0061a]

[---] Et ego Ghisebertus Visscher de Ummen Traiectensis diocesis publicus imperiali auctoritate ac ordinaria admissione notarius
appro... dictarum litterarum apostolicarum exhibicioni, praesentacioni, peticioni et requisicioni praemissis dum sic ut praemittitur agerentur et fieret
... praenominatis testibus praesens interfui. Ideo ad requisicionem supradictam easdem litteras originales de verbo ad verbum
excopiavi, transcripsi et transumpsi atque ipsum transumptum sive praesens publicum instrumentum manu mea propria scriptum exinde
confeci, subscripsi et in publicam formam redegi signoque et nomine meis solitis et consuetis una cum appensione sigillorum
venerabilium dominorum Abbatum supradictorum signavi rogatus et in testimonium et fidem praemissorum requisitus.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	240
Regestnr.	198
Olim	Arch. Klooster Wijtwerd, inv.nr. 2, reg. 67.
Jahr	1440
Datumcode	2106

x

x

x

Kommentar	Met de zegels van de abten van Aduard, Rottum, Selwerd en Oldenklooster in de Marne. Met het notaristeken van Ghisebertus Visscher

x

Material	perkament