Aelrick te Breede en Aylseke, echtelieden, verkopen aan Hayko, hofmeester te Maarhuizen, 3 jukken land in Ranumerhamrik.

Wy Aelrick up de Brederden ende Aylseke echte lude doen openbaer in dissen scrift
dat wy hebben verkoft voer uns ende onser erfghenamen ende vry to waren
voer al an sprake broder Hayken hofmester to Marrahusum dree joke landes
in Raenra hammerk gheleghen bi de rada wiirdum gheheten Focka
Tyardisama meer van XVIIJ forlingen daer Heemster moniken land up dat
werster side ende Boel Subkama land up de oester side ter swethe ende en kamp
van XIJ forlingen daer Boel Rener soen up de oester side ende dat forwerk
to Marahusum up de wester side ter swethe gheleghen umme ene summe van ghelde
de uns ful ende al betaelt is ende gheven den vorsc. broder Haykan fulmacht myt
dissen vorsc. lande to setten ende to verkopen ende al sinen vryer willen daer
mede to done sunder weder segghen onser off unser erfghenamen In orkunde
der waerheyt so hebbe ick Aelrick vorsc. miin zeghel an dissen breeff ghe-
hanghen ende umme de merre vestnisse so hebben wy her Wabben onsen cureet
to Werpphum ghebeden dissen breeff over uns to beseghelen ende ick Wabbodus umme
bede wille Aelricks ende Aylskens vorsc. miin seghel an dissen breeff ghe-
hanghen Ghegheven int jaer uns heren dusent .CCCC.o XL dessoendages
voer sunte Matheus apostoli.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	270
Regestnr.	199
Olim	Arch. Klooster Wijtwerd, inv.nr. 13, reg. 66. Reg. Feith 1440.13.
Jahr	1440
Datumcode	DaMatthe

x

x

x

Material	perkament