Meester Henrick, persona te Baflo, oorkont dat hij heeft verkocht en overdraagt aan Abelo te Lutkesaaksum ('Xaxum') en Aylseke, echtelieden, 7 vorlingen land in de valge van Lutkesaaksum ('Xaxamerfalch').

Ick meister Henrick Persona to Bafflo Bekennen (sic) vor allen
guden luden in dessen yegenwoerdigen brieve Dat ick heb vercofft mit
vrien willen Abelen to Xaxum unde Aybeken sijnen wijve Soeven ffor-
linge landes gelegen in Xaxamerfalch Daer Menno to Xaxum is zwette
bij die oester zijde unde Eppo Poppakama kinder land lecht bij der we-
ster zijd toe der zwette Vor soventien arnems gulden vijftijn krumsterten
vor den gulden to betalen to elven dusent mageden to na iaer Hijr-
om so love ick meister Johan (sic) persona vorscr. unde gheve over vor my unde
mijnen erffgenamen Abelen ende Aylseken vorscr. unde oer erffgenamen desse vorscr.
soven forlinge landes Vrij unde veerdic eweliken unde erffliken to
bruken unde to besitten unde al oren vrien willen daer mede to doen
wes em genoeget sonder al argelist Hijr hebben bij an unde overge-
wesen Hoyko Boyama unde Abelo Hijlkama wedmans to Bafflo In
orconde desser waerheit So heb ick meister Hinrick persona myn zegel
an dessen breeff gehangen Int iaer ons heren Dusent vierhondert
Dre unde veirtich Des soendages na karmissen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 130r
Regestnr.	207
Olim	Arch. Klooster Selwerd, inv.nr. 1, reg. 57.
Jahr	1443
Datumcode	DpNatChr

x

x

Material	perkament