Rodolphus, commandeur, Allo, keldermeester, Tamma, hofmeester, Beneka, smid van het klooster te Wijtwerd, Haerd, hofmeester van Ernstheem, Sycko, hofmeester te Nijenhuus, Allo, priester, Hayka te Maarhuizen, en de gemene conventslieden enerzijds en Thiart Bouwama en Hydde, echtelieden te Ayllardahusen in Usquert, anderzijds, gaan een landruil waarbij Thiart en Hydde krijgen 3 honderd land in de Westerkampen tussen Oldorp en Nijenhuus en het klooster krijgt 3 honderd land in de Rolinghafenna.

Wy Rodolphus Commelduer Allo kelner Tamma hoffmester Beneka smyt van Wytwert Haerd hoff-
mester to Eernstahem Sycko to Nyen huus hofmester her Allo prester ende Hayka to Marrahusum Ende ghe-
mene conventes ende amptesluden, Thiart Bouwama ende Hyd, myn echte vrouwe to Ayllardahusum in den
kerspel to Usquarth, doen kunt, dat wy myt malkanderen lant wyslinghe hebben daen in ma-
neren als hijr na staet bescreven, Unde de stede ewelik ende vast to holden myt malkanderen unvorbroken
zunder theghen sprake sybbe ende zwetta Int erst zo gheven wy conventesluden over ende draghen ende
integhenwordicheit disses breves, Thiart ende Hydden vorsc., dre hundert landes alto zamen ghelegen
inda Wester Kompum, tuschen Olden dorp ende Nyen huus, Luel Bouwama kinderen uppa wester
sijt, Ende Thiart vorsc. myt syn broder op der Oester sijt ter zwetta, des zo gheven wy Thiart ende
Hydda dem vorsc. convent weder over ok dre hundert landes to zamen leghen in Rolingha fenna up der
wester sijt Nyen huus Convent to Rottum up wester sijt Wytwert sulven to der oester zijt, de heer
wech to der noerder ende, ok Rottum to der zuder ende Hijr om zo draghen wy mene con-
ventes luden, Thiart Hyd vorsc. malkanderen over disse vorsc. lande myt hoer to behoer, ende ok myt vor-
worden elk syn dyck to beholden na uytwysinghe des dijck breves to ewygen daghen zunder al arghe-
list off nye wunde de dissen breves hinderen Hijr hebben by an ende over ghewesen Galtet rechter
Frik zuderwedman richters ende wedmans wyse hijr to gheropen ende ghenomen In orkunt des zo
hebben wy conventes luden onser conventes zeghel an desen breff ghehangen Ende ik Aylwardus to Us-
quarth cureet heb myn seghel mede an dessen breff ghehangen um bede wyllen Thiardes ende Hid-
dens vorsc. Ghegeven int jar dusent veerhundert ende veerenvertich in Octava Epyphanie.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	283
Regestnr.	213
Olim	Arch. Klooster Wijtwerd, inv.nr. 19, reg. 68. Reg. Feith 1444.25.
Jahr	1444
Datumcode	oEpipha

x

x

Kommentar	Met de zegels van het convent en van Aylwardus, pastoor te Usquert

x

Material	perkament