Burgemeesters en raad te Groningen verklaren dat Lubbert Sicking verkoopt aan Johan Hardebrinck een venne land van dertien grazen in Oosterstadshamrik.

Wy Borgemesteren ende Raed in Groningen bekennen ende betugen mit des-
sen openen brieve dat vor ons is gecomen Lubbert Sicking ende becande
dat hie hevet vercofft, droech opp ende gaff over em ende synen erfgenamen
Johan Hardebrinck ende synen erffgenamen eene venne landes alsoe die gelegen
is in die oester hammerick daer Iohan vorgenoemd ende Yeye Sicking naest by
gelandet sint opp die oester zijde Lodewich Horneken opp die zuederzijd
Ludeken Evert Wigboldessoen opp die wester sijde ende Heyngeland opp die noerder
zijd vrij ende quyt eeweliken ende erfliken mit allen rechte ende egendoeme toe bruken
ende toe besitten vor een summe geldes die Lubbert vorgenoemd becande dat em vul
ende al betaelt is sonder argelist. Mit vorwarden dat desse vorscreven venne landes
sal groet wesen dertiojn grase landes, ist myn dat sal Lubbert affcorten ende
ist meer dat sal Johan vorgenoemd toe bate comen buten sijn verre cost off schade
Dat orconde wy mit onser stad zegel Gegeven inden iaer ons heren dusent
vierhondert ende veer ende veertich opp pinxteravent doe Henrick Baroldes,
Otto Clant, Gosen ten Grave ende Ludeken Evert Wigboldessoen borgemestere weren
onser stad.
Desse dertyn grase die wij eerst ghewisselt hadden teghen die van Adewert
sint weder omgewisselt ten Hilligen Ghiest toe Groningen voer een ven-
ne landes gelegen in Dorcqwerd over onse tichelhues opp die Grontzijll maer
welck lecht vor vyfftijn grase landes.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 069v
Regestnr.	215
Olim	Arch. Klooster Selwerd, inv.nr. 1, reg. 64.
Jahr	1444
Datumcode	vPentec

x

x

x

Material	perkament