Notaris Gherardus Wilden van Scuttorpe verklaart dat Hybelo Wittens vermaakt aan het klooster te Essen twee roeden land te Kropswolde.

In nomine domini amen. Anno nativitatis eiusdem millesimo quadringentesimo quadragesimo quarta indictione
septima mensis novembris die duodecima hora vesperorum vel quasi pontificatus sanctissimi in Christo patris
ac domini nostri domini Eugenii divina providencia pape quarti anno eius decimoquarto in nostro notarii
publici ac testium subscriptorum praesencia personaliter discretus Hykelo Wiltens constitutus per se et
sua uxore legitima sanus mente et compos racionis sue ac de salute anime sue sollicitmemor ut
videbatur condicionis sue ..... ab ipso vite sue primordio mortis dunavit imperium attendens
nichil morte cercius et nichil incercius eius mortis hora volens quod procedere ad condicionem testamen-
ti sui seu ultime sue voluntatis ac de rebus et bonis suis sibi a deo collatis seu etiam conservandis
ad laudem et honorem dei disponere ne repentinus irruens mortis interitus ipsam capiat inprovisam
et ut rebus humanis exutus cum fidelibus domino miserante ineterna recipi tabernacula moreatur
Hiis igitur pensatis memoratus Hykelo in anime sue et mulieris sue legitime remedium et salutem
testamentum suum nuncupatum seu ultimam voluntatem melioribus modo via iure causa et forma quibus
melius et efficacius potuit et debuit et cum hoc cessit, dedit et donavit donacione simplici inter
vivos sponte et libere dolo et fraude penitus exclusis ac resignavit conventui in Essen cisterciensis
ordinis prope Groningen traiectensis diocesis duas virgas terre seu unam terre peciam duarum virgarum
quas seu quam idem Hybelo retroactis temporibus a Abelone Striker in Groningen opidano mero
et iusto vendicionis titulo emebat in perte aquilonari terre et praediis dicti conventus et in perte
australi terre seu praediis eiusdem Hybelonis in perrochia Crepeswolda dicte diocesis sitam et conser-
vatas perpetuis temporibus possidendam seu possidendas dans et concedens eidem conventui et eiusdem conventus
sororibus et earundem successoribus plenam et liberam proprietatem intrandi recipiendi et ab instanti
retinendi dictam terre peciam ut eo salubrius dicti conventus sorores et earundem successores pro animabus
suorum progenitorum ipsius et sue uxoris legitime pium deum exorant. Promittens idem Hibelo sepedictus
pro se et suis heredibus et successoribus testamentum huiusmodi praemissum omnia alia et singula supradicta
semper rata et firma habere et in ullo per se vel personam interpositam contra facere vel venire aliqua racione
occasione seu causa de jure vel de facto. Super quibus omnibus et singulis praemissis dictus Hykelo peciit a me
notario pupplico subscripto sibi fieri unum instrumentum pupplicum seu plura. Acta fuerunt haec in
Gronigen in domo habitacionis Ottonis de Renen opidani ibidem sub anno indictione mense die
hora pontificatu loco praemissis praesentibus ibidem discretis et honestis viris Folkero Wolteri Barnero
Sartor et Ottone dicto opidanis opidi Groningen testibus fidedignis ad praemissa vocatis
specialiter et rogatis.
Et ego Gherardus Wilden de Scuttorpe monasteriensis diocesis pupplicus
et imperiali autoritate notarius ordinariaque admissione
traiectense approbatus quia ordiancioni constitucioni resig-
nacioni omnibusque aliis et singulis supradictis una cum praenominatis
testibus praesens interfui eaque sic ut praemittitur fieri vidi et
audivi ideo hoc praesens pupplicum instrumentum manu mea
propria scriptum exinde confeci et in hanc pupplicam formam redegi
signoque et nomine meis solitis et consuetis signavi rogatis
et requisitis in fidem et testimonium omnium praemissorum.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	144
Regestnr.	218
Olim	Arch. Klooster Essen, inv.nr. 9, reg. 36. Reg. Feith 1444.24.
Jahr	1444
Datumcode	1211

x

x

Material	perkament

x