Burgemeesters en raad te Groningen verklaren dat Johan Kanneken en zijn vrouw Wobbe verkopen en overdragen aan meester Henrick, abt van het klooster Selwerd, de Rijscamp ten noorden van Helpman.

Wy Borgemesteren ende Raed in Groningen Bekennen ende Betughen mit dessen
openen brieve Dat vor ons synt ghecomen Johan kanneken ende Wobbe sijn echte-
wijff bekennende samentlike Dat sie hebben vercofft Droeghen op ende geven over
voer em ende oeren erffgenamen meister Henrick Abd toe Selwert to des voerscr. conventes
behoeff Den Rijscamp die ghelegen is to Helpman an die noertzijde Daer Johan Kre-
mer ende Egbert Wijbekens soens erve by leghet op die zuutzijde ende Derck Scaffers erve
op die wester zijde ende der bure erve op die oester zijde Vrij ende quijt eweliken ende erffli-
ken mit allen rechte ende eghendoeme to bruken ende to besitten Vor ene summe gheldes
Die Iohan ende Wobbe vorgen. becande Dat em vol ende all is betaelt Beholden Iohanne ende
Wobben vorgen. alle iaer van desen vorscreven convent van Selwert veer Arnhems
gulden vijftyn onser stad nijebras pennighen vor twe gulden gherekent Alsoe lange als Io-
han ende Wobbe leven ende nicht langer sonder argelist. Dat orconde wi mit onser zeghel. Ghegeven
in den iaer ons heren Dusent veerhondert sesendeveertich Op sunte Valentinus dach
Doe Lubbert Lewe, Henrick Baroldes, Otto Clant ende Gosen ten Grave borgemestere waren
onser Stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 075r
Regestnr.	228
Olim	Arch. Klooster Selwerd, inv.nr. 1, reg. 71.
Jahr	1446
Datumcode	Valent

x

x

Material	perkament