Eptatus, pastoor te Noerthoerum, Gosen van Dulck, burgemeester, Gheert Rolteman, burger van Groningen, scheidslieden in de zaak tussen meester Hinrick, abt, en het convent van Selwert enerzijds en Focko en Emo Gaykinge anderzijds, betreffende de verdeling van de erfenis van hun vader Aldert Gaykinge die na de dood van hun broeder Frederick is overgegaan op diens dochter, zuster Reneke Gaykinge, en het genoemde convent, verklaren dat zij de erfenis van genoemde Aldert aldus hebben verdeeld: Focko en Emo zullen hebben Gaykingeheert met alle toebehoren alsmede Smedingeheert, gelegen ten westen van het Brundekemaer, in ruil waarvoor zij genoemde abt en convent overdragen Abyngeheert met steenhuis en 29 grazen land in het kerspel Ferwert in Middage, dat zij hebben gekocht van Tiabbeke Abinge, alsmede zestien grazen land van het Smedingeland, gelegen ten oosten van het genoemde maar; tevens dragen zij over ter voldoening van een schuld van Frederick aan de Capelle te Gaykinge tien grazen land in de Hissevenne, aan de noordzijde begrensd door Verhaxamahues, onder nader omschreven voorwaarden, welke verklaring is bezegeld door genoemde Eptatus en Gozen en door Johannes Jacobi, pastoor van Sunte Meerten in Groningen.

Wy Eptatus cureet toe Noerthoerum, Gosen van Dulck in der tyt borge-
mester Gheert Rolteman borger in Groningen segeslude ende vrentlike schei-
deslude tusschen den eersamen heren meister Hinrick abd ende convent van
Selwert van sunte Benedictus oerde an die eene zyde Ende Focke ende Emen
Gaykinge an die ander zijde van salige Frederick Gaykinge broeders diell
husinge heminge land ende heerlicheit als em van salige Aldert Gaykinge
oren vader angeervet was ende suster Reneke Gaykinge Fredericks doch-
ter ende den convent vorscreven van oere wegen angecomen is bekennen ende betugen
in dessen openen brieve dat wij desse voerbenoemde parten verlijket vrent-
liken gescheiden een steden vasten wissel ende scheidinge gededinget
van die alinge guede als Aldert vorscreven die geervet hevet onverscheiden opp des
se drie broeders In aldus dane forme ende maneere dat Focko ende Emo syn broe-
der vorscreven ende ore erfgenamen sullen beholden eewelick ende erflick Gaykingeheert
mit husinge land ende heerlicheit ende mit sijn toebehoer Alinge ende alhiel on-
verscheiden mit allen anderlande woe offt waer dat gelegen is als dat salige
Frederick angeervet was van Aldert synen vader vorscreven ende Smedingeheert
mitter heerlicheit ende mitten lande dat daer toe hoert dat op die westerzijde
van Brundekemaer gelegen is mit allen rechte ende egen doeme ewelick ende erf-
lick tot oren vryen willen Des soe hebben Focko ende Emo vorscreven Den abt ende
convente vorscreven ende oren nacomelingen dar vor weder togewyset opgedragen ende
overgegeven Abyngeheert mitten stienhues ende mit negen entwintich grase
lands als dat geleegen is in den kerspel toe Ferwert In middage dat Focko
ende Emo vorscreven gecofft hebben van Tiabbeke Abinge ende sullen den heert ende
lant vorscreven vrywaren den abt ende convente vorscreven ende oren nacomelingen onbecummert
sonder yeenigerleye paccht ende bysonderlinge van Otten Clant toe Groningen
Ende sestyn grase landes van Smedinge lant gelegen op die oesterzyde des meers
vorscreven gelegen in vier stucken verscheiden by des convents land vorscreven mit vorwar-
den waer pleyt offt onkost in toecomenden tijden mochte vallen op dat alinge
Smedinge lant offt op yenich diel van meister Derck Beyers offt salige Ja-
cobs erfgenamen syns broeders dat sullen die abt ende convent vorscreven staen dat derden-
diel ende Focko ende Emo of oer erfgenamen die twie diele Ende wat brieve desse beide
parten hebben op desse vorscreven lande ende guede die enen iegeliken dienen die soelen
sie malcanderen overgeven sonder argelist Ende want dit vorscreven land dat Focko
ende Emo vorscreven den abt ende convent vorscreven hebben toegewyset als vorscr. is alsoe goet
niet en is als salige Fredericks broeders diel soe hebben Focko ende Emo vorscreven
dat verguedet mit tyn grase landes toe der capellen behoeff toe Gaykinge ee-
welick ende erflick vor die schulde die Frederick der vorscr. cappellen schuldich was
die gelegen sint in een venne van twalef grasen gehieten Hisse venne daer des
hilligen geests land naest by lecht ter swette op die noerderzyde gehieten Verhax-
amahues Ende des sal die abt ende convent vorscreven Focken ende Emen wedergeven ende be
talen dertich arnems gulden Ende des soelen Focko ende Emo vorscreven ende oer erfgenamen
voertmeer die vorscreven cappelle vernoegen van Fredericks ende onser wegen
ende besorgen mit tymmeringe ende mit priesters ende mit allen dingen als sick ge-
boert sonder last ende vrees salige Fredericks ziele ende synen erfgenamen Desse vorscr.
schedinge wissel ende vorwarde hebben beide parten vorscr. liefliken ende eenpartliken an-
genomen onverbroken toeholden ende malcanderen toe waren vor al die ghene die
mit rechte daer opp spreken mochten Behalven van Bywe Rypertsma Focken
ende Emen suster des sie hoer avontuer soelen staen buten des abtes ende convents cost
ende scade want Focko ende Emo vorscr. vor ons becanden dat sie volmachtich weren
toe doen ende toe laten in desser vorscreven erfnisse ende scheidinge van Biwen vorscreven
Desse vorscreven onse uutsprake ende scheidinge is geschiet Toe Selwert in yegen-
woerdicheit beider parten In den iaer ons heren Dusent vierhondert negen ende
veertich Des donredages vor midvasten In orconde heb wy Eptatus ende Go-
zen vorscreven onse zegele an desse brieve gehangen Ende want ick Geert vorscreven
ghien zegel selff en bruke soe heb ick gebeden Den eersamen meister Johannes
Iacobi cureet tot sunte Meerten In Groningen dessen brief vor my toe bezege-
len dat ick Johannes Iacobi cureet vorscreven geerne gedaen heb om Geert Roltemans
bede wille.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 031v
Regestnr.	255
Olim	Arch. Klooster Selwerd, inv.nr. 1, reg. 91.
Jahr	1449
Datumcode	JaMidvas

x

x

Material	perkament