| Nummer:kla0282 | Datum:10 dec. 1450 | Überlieferung:Afschrift | Fundstelle:Kloosterarch., inv.nr. 20, fol. 088r, reg. 282 |
Syert en zijn vrouw Hille, woonachtig in het kerspel Suetswolde, verklaren te hebben verkocht en over te dragen aan Eyso Beuwenzoen tien grazen land, gelegen in het kerspel Noertwolde buiten de Woltdijck ten noorden van Jansamahuus, grenzende ten noorden aan de Olde Nee, welke verklaring bezegeld wordt door Johannes Monetarii, kerkheer te Zuetwolde.
Wy Syert unde Hille echtelude woenende in den kerspel to Suetwolde be-
kennen unde Betugen mit dessen openen breve vor ons unde onse erffgenamen Dat wij
hebben vercofft mit enen steden vasten coepp Eyso Beuwenzoene unde sijnen erffgenamen
tijn graze landes die gelegen synt in den kerspel to Noertwolde buten den Wolt-
dijck bij der noerder zijdt uut van Jansema huus Daer Allert Clant is by liggende
is op die zuder zijd mit sijnen erve to der zwette ende die Oldenee is gelegen op die
noerderzijde to der zwette unde strecket mitten wester einde an Roeleve van Um-
men erve unde mitten oestereinde an Berendes erve to Selwert Om een summe gel-
des die ons Syert unde Hille vorscr. vul unde al wal is betaelt van Eysen vorscr. Hyr
om so drage wij Syert unde Hille vorscr. desse tyn grase landes vorscr. op unde gheven
over vor ons unde onsen erffgenamen Eysen vorscr. unde sijn erffgenamen erfflick unde ewelick
to bruken to besiiten to vercopen to verwisselen unde alle sijnen vrijen willen
daer mede to doen wes em genoeget alle argelist unde nije vonden uutgesecht
Hijr heb an unde overgewest wedmans in den rechte to Suudwolde als Eylert
unde Allert buren to Suudwolde unde Reint to den Suephues wedmans hijr to
dessen vorscr. coep geropen unde anders gudelude genoech In orconde desser wa-
erheit soe heb ick Sijert vorscr. mijns selves zegel an dessen breeff gehanghen
unde om die mere vestenisse soe heb ick Sijert unde Hille vorscr. gebeden heer Jo-
hannes kercher to Zuetwolde onsen hovet preester dessen breeff mede over ons
unde over onse erffgenamen to bizegelen unde ick Johannes Monetarii kercher vorscr. hebbe
mijn zegel mede beneden an dessen breeff gehangen om bede wille Sijerts unde
Hillens mijn kerspellude vorscr. gegeven in den iaer ons heren Dusent veer-
hondert unde vijftich Des donredages nae onser liever vrouwen dach concep-
cionis sancte Marie virginis.
kennen unde Betugen mit dessen openen breve vor ons unde onse erffgenamen Dat wij
hebben vercofft mit enen steden vasten coepp Eyso Beuwenzoene unde sijnen erffgenamen
tijn graze landes die gelegen synt in den kerspel to Noertwolde buten den Wolt-
dijck bij der noerder zijdt uut van Jansema huus Daer Allert Clant is by liggende
is op die zuder zijd mit sijnen erve to der zwette ende die Oldenee is gelegen op die
noerderzijde to der zwette unde strecket mitten wester einde an Roeleve van Um-
men erve unde mitten oestereinde an Berendes erve to Selwert Om een summe gel-
des die ons Syert unde Hille vorscr. vul unde al wal is betaelt van Eysen vorscr. Hyr
om so drage wij Syert unde Hille vorscr. desse tyn grase landes vorscr. op unde gheven
over vor ons unde onsen erffgenamen Eysen vorscr. unde sijn erffgenamen erfflick unde ewelick
to bruken to besiiten to vercopen to verwisselen unde alle sijnen vrijen willen
daer mede to doen wes em genoeget alle argelist unde nije vonden uutgesecht
Hijr heb an unde overgewest wedmans in den rechte to Suudwolde als Eylert
unde Allert buren to Suudwolde unde Reint to den Suephues wedmans hijr to
dessen vorscr. coep geropen unde anders gudelude genoech In orconde desser wa-
erheit soe heb ick Sijert vorscr. mijns selves zegel an dessen breeff gehanghen
unde om die mere vestenisse soe heb ick Sijert unde Hille vorscr. gebeden heer Jo-
hannes kercher to Zuetwolde onsen hovet preester dessen breeff mede over ons
unde over onse erffgenamen to bizegelen unde ick Johannes Monetarii kercher vorscr. hebbe
mijn zegel mede beneden an dessen breeff gehangen om bede wille Sijerts unde
Hillens mijn kerspellude vorscr. gegeven in den iaer ons heren Dusent veer-
hondert unde vijftich Des donredages nae onser liever vrouwen dach concep-
cionis sancte Marie virginis.
x
| Archiv | Groninger Archieven |
|---|---|
| Bestand | Kloosterarch. |
| Zugangsnummer | 172 |
| Inventarnr. | 20 |
| Fol. Nr. | fol. 088r |
| Regestnr. | 282 |
| Olim | Arch. Klooster Selwerd, inv.nr. 1, reg. 112. |
| Jahr | 1450 |
| Datumcode | JpConMar |