Johan de Rotinghe te Noertlaer oorkondt te hebben verkocht en bij stoklegging overgedragen aan ministerse en de gemene zusters van het Olde Convent in Groningen zijn huis, schuur en hofstede, geheten Anghelserve, met 36 mudden land en de bijbehorende weilanden, een half waardeel in de marke van Noertlaer met kerkstoel en graf, welk erf bezwaard is met vier renten van resp. zes, vier, drie en drie mudden rogge te betalen aan Johan Levinghe te Annen, Roloff Korenpoert, Johan Teynghe en Helprick van Borck.

Ic Johan de Rotinghe wonende inden kerspel van Noertlaer bekenne ende betughe met dessen openen
brieff voer my ende myne erffghenaraen dat ic witlike met gueden berade vercofft ende opghe-
draghen hebbe draghe op ende gheve over met handen en met monde in enen steden vast orffkope der
ministersche ende ghemenen susteren vander darde regule van sunte Franciscus des Olde convents in Groningen
myn husinge schure ende hofstede gheheten Anghels erve daer ic nu ter tijt by wonende bin op die suyt
zijde ende Johan Lippinghe husinghe op die noertzijde met sesendedartich mudde landes ende metten mae-
den die to den vors. erve pleghet to horen ende die meyer pleghet to bruken met enen halve waer waer-
dels inder marke van Noertlaer metten kerestoel ende grave als daer sede is ende met al sinen rechte dat
to den voers. erve hoert ewelike ende erfflike to ghebruken ende to besitten to verkopen ende horen vryen
wille daer mede to doen voer ene summe gheldes die my die vors. susteren vol ende wael betaelt hebben
ende vernueghet to mynen wille, Beholdelic uyt den vors, erve Johan Leninghe to Annen ses stede mudde
rogghen ende Roloff Korenpoert vier mudde Johan Teynghe drie mudde ende Helprick van Borck drie
mudde als elc met sinen brieven bewisen mach die se daer op hebben Ende van desen husinghe schure ende
ende (sic) hofstede lande made waer ende schaer ende alle rechte dat daer to behoert hebbe ic der vors. ministersche
ende ghemenen susteren voers. den stoclegghinghe ghedaen als lantrecht is inden gherichte van Zelwarden
daer over ende aen waren als boeren van Noertlaer doe desse stoclegginghe geschiede met namen Mense
Lippinghe, Johan die Rotonghe Rolofssoen schulte toe Noertlaer, Roioff Naghel, Herman Naghel, Johan Lippin-
ghe, Lambert Naghel, Henric Naghel ende anders vele guder lude de vanden stoclegginghe mede aten ende dron-
ken Ende ic Johan vorsc love voer my ende myne erffghenamen den voers, susteren ende horen nakomelinghe
des vors, guedes ende erves rechte waerschapp to doen vry ende quijt van alien aensprake voer alle die
ghenen die des to rechte comen moghen het sy gheestelic ofte weerlic die voers, mudde uytghesproken
beholden oeck den scholte des gherichtes van Zelwarden een half mudde moltes ende onsen heren van Utrecht
sine precarie idden scholt iaer als dat valt sender alle arghelist ende nye vonde die desen brieff in
siner macht krencken moghen uytghesproken. In oerkunde der waerheit hebbe ic myn seghel aen
dessen brieff ghehanghen Ende om meerre vestenisse hebbe ic ghebeden den eerbaren man Johan Hor-
neken schulte des gherichtes van Zelwarden dessen brieff met my to besegelen Ende ic Johan Horneken
schulte des gherichtes van Zelwarden om bede wille Johans voers. hebbe mijn seghel mede in een tuych
der waerheit aen dessen brieff gehanghen Ghegeven inden jaer ons heren dusent vierhondert
drie ende vijfftich op sunte Symon ende Juden avont dor heiligher apostolen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	357
Regestnr.	306
Olim	Arch. Olde Convent, inv.nr. 42, reg. 18. Reg. Feith 1453.9.
Jahr	1453
Datumcode	vSimJud

x

x

Kommentar	Met de zegels van Johan de Rotinghe en Johan Horncken, schout van Selwerd

x

Material	perkament