Burgemeesters en raad te Groningen verklaren dat Johan Klockgheter als onderpand voor een schuld heeft gegeven aan Wyllem Hiddinge zijn land te Kolham, met de bepaling dat dit land het eigendom van Wyllem wordt als Johan de schuld niet afgelost heeft vr eerstvolgende pasen.

Wy borgermestere ende Raed in Groningen betugen myt dessen openen breve dat voer ons is gekomen Johan Klockghe-
ter ende bekande voer em ende sinen erffgenamen dat hie hefft to onderpande gesad Wyllem Hiddinge ende sinen erffgenamen
sodane land myt syn tobehoer also hie nu ter tyt to Kolham liggende hefft daer Tesinger monniken naest
by gelandet sint up die wester zyd ende Wyllem vorscreven up die oester zyd vry ende quyt ewliken ende erffliken to
bruken ende to besitten voer ene summe geldes die Johan vorscreven bekande dat hie Wylleme vorscreven van gueder
bekander schult schuldich is gebleven. Hiir is togesproken dat Johan vorscreven offte sine erffgenamen mogen dat
vorscreven land weder in lossen mytter vorscreven summe geldes die hie Wylme vorscreven schuldich is tusschen dyt ende
paeschen naestkomende. Geschiede des nicht so sall ende mach Wyllem vorscreven ende sine erffgenamen oeren
vryen wyllen doen myt dat vorscreven land myt sinen tobehoer sunder alle argelist. Dat orkunde wy myt
onsen stad zegell. Ghegeven inden jaer ons heren dusent vierhundert vyffendevyfftich des donredages nae
sunte Peters dach ad cathedram do Henrick Kater, Gosen vanden Grave, Clawes van Banlo ende
Evert Hubbeldinge borgermestere waeren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	139
Regestnr.	331
Olim	Arch. Klooster Essen, inv.nr. 9, reg. 47. Reg. Feith 1455.25.
Jahr	1455
Datumcode	JpCatPet

x

x

Kommentar	Met het stadszegel

x

Material	perkament

x