Commandeur Hinrick, prior Jacob, keldermeester Popko en de oldermannen en broeders van het klooster te Werphum verklaren dat zij aan de abt en het klooster van Selwert hebben toegestaan het medegebruik van de schutsloot in hun veenlanden in Zuutlarer marke.

Wy heer Hinrick commelduer, heer Iacob prior, Pop-
ko kelner unde gemene Oldermans unde broeders des cloesters to Werphum
van sunte Johannes orden doen condich allen luden unde bekennen unde betu-
ghen mit dessen openen brieve, dat wij mit gueden vorberade unde vor-
dachten synne om verlichtinge onses costes unde arbeides hebben to gestaen
unde staen to vor ons unde onsen nacomelingen den abt unde closter to Selwert van sunt Benedictus orden
unde oren nacomelingen tot ewigen dagen, om mynne des geestliken states under der hilger orden soderlingen
des vorscr. cloesters to Selwert, onsen schuten sloet die in onsen veenlanden
buten veeninge in Zuutlarer marke gegraven is unde voert opwert ge-
graven sal worden mit ons to scade unde to bate to holden, to graven, opp
to maken, in to wateren, to varen, to bruken mit oeren veen lande, dat
die abd unde cloester van Selwert vorscr. hebben op beiden sijden van onsen
veenlande vorscr. ghelijck ons selven unde enen gemenen besloeten boem
over den vorscr. schuten sloet to ghelijck mit ons to holden unde gesloeten toe wa-
ren, dat den enen mit versumenisse des anderen in oren torve ghene scade
en gheschie doer den boem unde den schuten sloet vorscr. sonder alle argelist.
In orconde der waerheit heb wij onsen commelduers zegel unde onze geme
ne conventes zegel an dessen breeff gehangen. Gegeven in den iaer ons heren
dusent vierhondert ses unde vijftich opp sunte Bonifacius avent des hil
lighen biscops unde martelers.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 119r
Regestnr.	350
Olim	Arch. Klooster Selwerd, inv.nr. 1, reg. 156.
Jahr	1456
Datumcode	vBonifa

x

x

Material	perkament