Johannes Munter, commandeur, Allo, prior, Poepke, kelder- en smidmeester, Tammo, hofmeester, Johan en Aucke, schoenmakers, en de gemene conventslieden van Wijthwert verklaren dat zij verkocht hebben aan Grote Berend ter Braek een jaarlijkse rente, groot 27 arnhemse guldens, gaande uit het voorwerk Marhusen.

Wy Brodere Johannes Munter Commenduer Allo prior Poepke kelner ende smydmester, Tammo Hofmester Johan
ende Autke Schomakers ende voert ghemenen conventes lude des huses to Wythwert, ordinis sancti Johannis van Jher[oso]l[e]m
doen kundich enen Jewelken ende betughen vermits dessen unsen openen breve Dat wy hebben verkoft dreghen op
ende gheven over vor unss ende vor unse nacomelinge Grote Gered ter Brake ende sinen erffgenamen soven ende
twintich arnhemsche gulden Erffliker ende jaerliker renthe tyen Groninger Stad vleghers vor elken ghulden ghe-
rekent off payement vor de weerde vor datum sbreffs ghemuntet off payement vor de weerde erffliken jaerlix to boren
uet unsen vorwerde to Maerhusen myt all sinen tobehoren to twen termynen als de helfte to vrienmarket ende de
ander helfte to paeschen achte daghe unbegrepen worden ock Berend vorsc off sine erffgenamen de vorsc. renthe niet betalt
als vorsc. is So verwillekoren wy vor unss ende unse nacomelinge in desser scrift ende staen to teghenwardich
dat de selve Berend off sine erffgenamen de Renthe vorsc. moghen manen ende inwynnen Myt des Ersamen provestes
Rechte van Usquarde ut unsen vorwercke vorsc. myt sinen tobehoren sunder unse noch unse nacomelingen Inseggen
myt ghenen Rechte noch unses ordenen priviligien de dessen breff hinderlick moghen wesen dat te straffen sunder
alle arghelist helperede ende nievunde Myt vorworden dat wy off unse nacomelingen desse vorsc. sovenendetwintich
gulden Renthe weder inmoghe lossen ende vry kopen elke dre gulden Renthe vorsc. myt viftich gulden payements
als vorsc. is tot allen tyden wanner wy off unse nacomelingen des sint van sceden ende ghenoghet welke Renthe
vorsc. unss Berend vorsc. vul ende all wal to willen heft betaelt den laesten pennig ende betalinge myt den ersten
to behoeff unses convents vorsc. dat wy em dancken ghuder betalinge In Oerkunde hebben wy unses Convents
Seghel an dessen breff ghehangen, Ende um de merre vestenisse willen hebben wy ghebeden den Erwerdi-
ghen Ersamen ende wysen Borghermeysteren ende Raed der Stad vorscr., dessen breff mede over unss ende
unse nacomelinge te beseghelen, welk wy Borghermeystere ende Raed vorsc. gherne hebben ghedaen um orer
bede willen, Dat Oerkunden wy myt unser Stad Seghele Gheg. In den Jaer unss heren dusent veer
hundert soven ende vyftich des daghes na unses heren hemmelvarts dach, Doe Henrick Baroldes, Otto Clant
Otto ter Hanzowe ende Ghosen van Dullick Borghermeystere weren unser Stad etc.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	315
Regestnr.	364
Olim	Arch. Klooster Wijtwerd, inv.nr. 23, reg. 78. Reg. Feith 1457.34.
Jahr	1457
Datumcode	cAscDom

x

x

x

Kommentar	Met het coventszegel en het stadszegel van Groningen

x

Material	perkament