Hauptseite

Nummer:kla0369

Datum:5 okt. 1457

Überlieferung:Origineel

Fundstelle:Kloosterarch., inv.nr. 437, reg. 369

Regest

Johan Angels oorkondt dat hij heeft verkocht en bij stoklegging overgedragen aan Johan Horneken, ambtman, een vierendeel waardeel, gelegen onder de klokslag van Noertlaren, uitgezonderd het weiland dat bij het vierendeel behoort.

Ick Johan Angels bekenne ende betuge myt dessen openen breve dat ick hebbe vercofft, upghedragen, overghegeven ewe-
liken ende erffliken to bysitten ende to bruken vry ende quyd to leveren ende to waren vor al degene die daer myt rechte up-
spreken mogen vor my ende vor myne erffgenamen Johanne Horneken onsen amptmanne ende sinen erfgenamen een vierendeel
wardels ghelegen onder der klocken van Noertlaren uthgesproken dat maet lant dat to den vierendele hoert voer
ene summe geldes die ick Johan Angels vorscreven bekenne dat my die vull ende all bytaelt is to mynen wyllen ende des hebbe ick Johan
vorscreven Johanne Horneken vorscreven den stock daer van geleget vor den bueren van Nortlaeren ende byn des afghetreden als
lantrecht is inden gerichte van Zellwert ende over dat stocleggen hebben gewesen als buer van Nortlaeren Mense Lippinge,
Johan Lippinge, Johan Wordinge, Lambert Hovinge, Henne Nagels, Lambert Nagels, Ludeken Jalinge ende Johan Pothoff ende meer
gueder lude genoch sunder all argelyst is buten bescheyden. In orkunde der waerheyt so hebbe ick Johan Angels vorscreven
myn segel beneden an dessen breeff gehangen ende umme merre vestenisse willen so hebbe ick Johan Angels vorscreven ghebeden
den erberen Raetman Johan van Bersen in Groningen dessen breeff mede over my to bysegelen dat ick Johan vorscreven
gherne hebbe gedaen umme bede wyllen Johan Angels ende hebbe myn segel mede an dessen breeff gehangen. Ghegeven inden
jaer onss heren dusent vierhundert ende soven ende vijfftich des wundesdages na sunte Franciscus dach.

Recto:

«‹›»

Siegel: