Burgemeesters en raad te Groningen verklaren dat Johan Stryker, zoon van de zuster van wijlen Johan Wobbeken, heeft gediend bij Grete Wobbekens en dat hij geen vordering meer op haar heeft vanwege loon of anderszins.

Wy Borghemeystere ende Raed in Groeningen betugen myt desen openen
breve dat voer ons is ghecomen Johan Strijker salighe Johan Wobbekens
susters soen ende bekande voer em ende sijnen erfgenamen dat hie in voertijden myt
Grete Wobbekens hadde ghedient ende myt oer witteliken ende wal gherekent
van allen verdienden lone ende van all schelinge voer Datum deses brieves ver-
resen die Johan voerscr. op Grete voerscr. toe spreken mochten hebben van enigen
dienste off anders woe die verresen moegen wesen Ende dancket Greten voer-
ghenoemt gueder betalinge Ende scheldet sie daer mede vry ende quijt toe ewi-
ghen dagen gheen meer ansprake op Grete voerscr. noch op oren erffgenamen
daer van toe hebben sonder argelist Dat orkunde wy myt onse stad Secreet
ghegeven int iaer ons heren Duusent vierhondert achtendevijftich op Sunte
Mathias avent apostoli.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 008r
Regestnr.	375
Olim	Arch. Klooster Selwerd, inv.nr. 1, reg. 173.
Jahr	1458
Datumcode	vMatthi

x

x

Material	perkament