Johannes, paltsgraaf aan de Rijn, hertog van Beieren en confirmaat van de munsterse kerk, heeft verkocht aan Bernardus Mersman van Steinvordia, priester in het munsters diocees, de veertien marken rente, die de abt en het klooster te Syloe gehouden zijn op te brengen voor de hof te Baftloe.

Nos Johannes dei gratia Comespalatinus Reni Bavarie dux et confirma-
tus ecclesie monasteriensis dilectis nobis in Christo Abbati Priorisse totique conventui Sanctimonialium
in Syloe ordinis sancti Benedicti ac universis ad quos praesentes nostre littere pervenerint
Notum facimus quod nos de venerabilium nostrorum dilectorum Decani et capituli ecclesie nostre Monaste-
riensis consensu unanimi utilitate et necessitate ecclesie nostre praefate id causante vendidimus
perpetuis futuris temporibus Salve tamen nobis et successoribus nostris reemendi gratia Domino
Bernardo Mersman de Stenvordia presbitero nostre diocesis aut tentori littere principalis
desuper confecte et sigillate cum suo consensu redditus quatuordecim marcarum denariorum
Monasteriensium quos nobis et successoribus nostris Reverendus pater Abbas et monasterium in Syloe
prefati de Curti sive Curia Baftloe in terra Frisie ac nostre diocesis situata singulis
annis et duobus anni terminis promiserunt et solvere de iure tenentur. Volumus igitur omnibus
et singulis qui regimini ac amministracioni reddituum provetuum obventionum et emo-
limentorum Curtis huiusmodi nunc praefecti estis aut in futurum praefitiendi fueritis committimus et
mandamus ut perpetuis futuris temporibus singulis annis et consuetis terminis praefato domino Ber-
nardo aut detentori littere principalis huiusmodi cum suo consensu et voluntate de huiusmodi quattuordecim
marcis dicti monete realiter et cum effectu respondeatis et satisfaciatis aut responderi et satis-
fieri faciatis donec et tam diu nos et successores nostri prefatos redditus iuxta gratiam littere cuius-
dam a dicto domino Bernardo nobis etsuccesoribus nostris indulte desuper confecte et sigillate
reemamus aut reemi faciamus In cuius rei testimonium praesentes litteras nostras desuper fieri Ipsasque
que sigilli nostri iussimus et fecimus ex certa sciencia appensione communiri. Datum anno domini
Millesimo quadringentesimo quinquagesimo octavo In crastino gloriose virginis Marie
Visitacionis.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 015v
Regestnr.	385
Olim	Arch. Klooster Selwerd, inv.nr. 1, reg. 182.
Jahr	1458
Datumcode	cVisMar

x

x

Material	perkament