Hiddo Onnoma en zijn vrouw Bawe, woonachtig te Baftlo, verklaren te hebben verkocht aan abt Hinrick en het convent te Selwert een half juk land in het Bafftler hamrik, geheten Corte Fallich, welke verandering bezegeld wordt door Anthonius, persona te Bafftlo.

Wy Hiddo Onnoma ende Bawe echte lude wonende toe Baftlo beken-
ne ende betuge myt desen openen breve dat wy hebben opghedragen ende over
ghegeven ewelick ende erflick voer ons ende onsen erfgenamen den erberen heren
Heer Hinrick Abt ende convent toe Selwert van Sunte Benedictus orde
ander half iuck landes ghehieten die Corte Fallich gheleghen in Bafftler ham-
merick daer salighe Mennen kinderen land licht naest ter zwette op die wester
zijd ende op die oester zijd licht des cloesters land toe Baftlo naest ter zwette
voer een summe gheldes ende guedes die ons vul ende al betaelt is waer om wy
Hidde ende Bawe voerscr. loven ende gheven den erbaren Abt ende convent vorscr. dit vorscr.
lant vry ende veerdich toe bruken toe vercopen ende al oren vryen willen daer me-
de toe doen sonder al argelist Hijr hebben an ende over ghewest Reinder Sassa-
ma Sijko Schroeder wedmans toe Bafftlo wedmans wijse daer toe gheropen
In orkunde der waerheit soe hebbe wy Hiddo ende Bawe vorscr. ghebeden den
erberen heren meyster Anthonius persoen to Bafftlo desen brief voer ons toe
beseghelen Ende wy Anthonius persoen voerscr. om Hiddens ende Bawens voerscr.
bede wille hebbe onse segel an desen brief ghehangen Ghegeven int iaer ons
heren dusent vierhondert ende sestich op Sunte Jacobs dach apostoli.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 008v
Regestnr.	420
Olim	Arch. Klooster Selwerd, inv.nr. 1, reg. 208.
Jahr	1460
Datumcode	Jacobi

x

x

Material	perkament