Thede en zijn vrouw Stijne, woonachtig te Xaxum, verklaren te hebben verkocht en over te dragen aan Hinrick, abt te Selwert, twee jukken land in Hermensfenne, welke verklaring bezegeld wordt door broeder Johannes, kerkheer te Maerhusen.

Ick Thede unde Stijne echtelude woenende to Xaxum Bekennen
unde betugen mit desen openen brieve Dat wij mit vrien willen hebn
vercofft Den eerweerdigen heren meister Hinrick Abd to Selwert twe
iucke landes leggende in Hermans fenne Daer dat convent to Selwert
licht toe der wester zijd unde dat convent to Wijtwert an die oester
zijd ter zwette Vor ene summe geldes Die ons Stijne unde Thede vorscr. vul
unde al wal betaelt is Den eersten pennick (sic) mitten lesten van den eer-
weerdigen Abd vorscr. Hijr om soe gheve ick Styne unde Thede vorscr.
dit vorscr. land over unde vor onsen erffgenamen Den weerdigen Abd vorscr. erf-
lick unde ewelick to bruken to setten to vercopen unde alle synen willen daer me-
de toe doen vor alle den ghenen die daer mit rechte moegen op spreken
Hijr hebben bij an unde over gewezen Buel Harkama unde Heerken Dirckzoen
hijr to geropen unde gebeden unde om ene mere vestenisse so heb wij Thede
unde Stijne vorscr. gebeden onsen kercheren her Johan to Maerhusen dessen breef
vor ons unde over ons to bezegelen want wij selven gheen zegel bruken
de synt unde ick frater Iohannes vorscr. om Thedens unde Stijnens bede wille heb
myn zegel beneden an dessen breeff gehangen In den iaer ons heren Du-
sent vierhondert unde een unde sestich Des maendages vor sunte Tybur-
cii et Valeriani martirum.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 130v
Regestnr.	428
Olim	Arch. Klooster Selwerd, inv.nr. 1, reg. 212.
Jahr	1461
Datumcode	LaTibVal

x

x

Material	perkament