Roleff Heppinge verklaart verkocht en bij stoklegging overgedragen te hebben aan ministerse Ide Hermans en de zusters van het Olde Convent in Groningen een stuk hooiland in Mepper marke, geheten de Olde Hovinge.

Ick Roleff Heppinge Bekenne ende betuge myt desen opene breve vor my ende myne Erffgenamen
dat ick vorkoefft hebbe upgedragen ende overgegheven der Erberen zuster Iden Hermans
ministessche ende den gemenen zusteren vanden olden Convente in Groningen ende oren
naekomelinge, een stucke hoylandes gelegen in Mepper maerrke geheten de Oldehovine
rotmaet omme eyne summe geldes de my wytlyck deger ende all betaelt is na mynen willen
welcer hoylant, ick Roeff vorscr. gelovet hebbe Ende love onbekummert to wesen vryg ledich
ende loes te waren vor all de ghene de daar op spreken mgen tot allen tyden woe
dicke ende vaken des noet were Hierr hebben an ende over gewesenals buerlude van Meppen
dat de stoeck geleget Egbert Heppinge, Willem Husinge ende Steven Nardinge de daer
geseen ende gehoertt hebben dat alle dinge gescheen syn als rech is inden lande van Dren-
the Tot merer tuech ende vestenisse der waerheit So hebbe ick Roleff vorscr. want ick gheen
segel en hebbe gebeden den Erberen manne Ludeleff Heppinge sculte inder tiet dessen breff
over my to segelen unde ick Ludeleff omme bede ende vrentscap willen Roleff vorscr. hebbe
myn Segel neden an dessen breff gehangen In jaren onses heren dusent veerhodert ende een
endesestich opden achtentwyngesten dach van meyg.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	370
Regestnr.	432
Olim	Arch. Olde Convent, inv.nr. 61, reg. 34. Reg. Feith 1461.3.
Jahr	1461
Datumcode	2805

x

x

Kommentar	Met het zegel van Ludeleff Heppinge

x

Material	perkament