Lambert Bebinge verklaart dat hij heeft verkocht aan Johan Egberde de Esermoele met toebehoren in de marke van Ees onder de klokslag van Borgher.

Ick Lambert Bebinge bekenne ende tuge myt dessen openen breve dat ick myt vryen wille ghesundes lives guedes voirberades
heb verkofft stedes vastes erffkopes, erfflicke ende ewe-licke, voir my ende mynen erffgenamen Johanne Egberdes ende synen erffgenamen
Eser moele myt oeren toebehoir als sie ghelegen is inder marke van Ees ende onder der clocken van Borger voir een summe
van ghelde die my Lambert voirscreven ende mynen erffgenamen vull ende all witlick ende wall betaelt is den lesten penninck mytten
iersten ende dancke Johan ende synen erffgenamen voirscreven gueder betalinge. Sall ende wil Johan ende synen erff-genamen die voirscreven
moele vry waren voir my ende myne erffgenamen ende voir alle die ghene die dair op spreken mogen myt enigen rechte uut-
ghesproken kercken recht ende heren pacht. Ende dat mudde dat Tyde Luskinge myt synen mede parten dair over
heefft ende darde halff spijnt ende die achterstallige renthe die dair achterstallich is. Ende wat schaden Johan voirscreven
dair van heefft sall ick Lambert voirscreven Johanne voirscreven schadeloes holden sunder argelist. Hyr waren an ende over
voir dedinges lude Hugo Wolters toe Gronyngen ende Roloff Wiltinge toe Ees. Ende hyr waren an ende over voir bueren
erffachtich bynnen Ees Johan Prandinge, Wygher des heren, Hinric Wiltinge, Johan Husinge ende meer gueder lude
ghenoech. Want dit aldus is gheschiet soe heb ick Lambert voirgenoemd voir my ende myne erffgenamen gebeden Johanne Pran-
dinge dit voir my to besegelen, want ic selven gheen zegell en gebruke. Ende soe heb ick Johan voirscreven om bede
willen Lamberts voirgenoemd mijn segell beneden hijr an gehangen inden iair uns heren dusent vierhundert
ende tweendetsestich des zoendages na sunte Bartholomeus dage apostoli inden hervest.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	99
Regestnr.	442
Olim	Arch. Klooster Essen, inv.nr. 2, reg. 55. Reg. Feith 1462.23.
Jahr	1462
Datumcode	DpBartho

x

x

Material	perkament

x