Bertolt Perney te Eelde verklaart dat hij heeft vermaakt en bij stoklegging geleverd aan de abdis en het convent te Essen een jaarlijkse rente van een mud en twee kannen rogge uit Eggingegoed te Drouwen voor memoriediensten voor zijn zieleheil.

Ick Bertolt Perney toe Eelde bekenne ende tughe in dessen openen breve voer my ende myne erffgenamen dat ic mit vryen
wille ende gueden voerberaden moede puerlike om godes willen ten rechten testamente voer my ende mijnre olders
sielen toe biddene hebbe overghegheven ende opghedraghen erfflike ende ewelike der abdissen ende convente van Essen
van sunte Bernards oerden bi Groningen een mudde roggen Groninger mate ende twe kannen ynne te holden ende jaerlix te
boeren ende toe besitten als ic dat lange jaren hebbe beseten ende jarlix gheboert uut hoeren erve ende guede gheheten
Egginge guet toe Druwen inden kerspel van Borghere alse tentrogge daer ic den convente vorscreven vertichnisse
ende stocklegginge hebbe van ghedaen voerden buren van Druwen als landrecht was, als voer Heyne Alinge,
Johan Husinge ende Eyde Luskinge ende anders gueder lude ghenoech. In een tuech der waerheit soe heb
ick Bertolt vorscreven voer my ende voer al meyne erffgenamen mynen zeghel an dessen brieff ghehangen inden jaer ons
heren dusent vierhundert ende dreendetsestich inder weke na Philippi et Jacobi apostolorum.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	168
Regestnr.	449
Olim	Arch. Klooster Essen, inv.nr. 2, reg. 56. Reg. Feith 1463.28.
Jahr	1463
Datumcode	wpPhiJac

x

x

Kommentar	Met het zegel van Bertolt Perney

x

Material	perkament

x