Oda Ponta, weduwe van Focke ten Dijke, verklaart te hebben overgedragen aan de abt en het convent te Selwerd ten behoeve van de kosterij 14 grazen land met toebehoren in Beyumerhamrik.

Ick Oda Ponta saligen Focken weduwe ten Dyke bekenne ende betughe myt
desen openen breve voer my ende mijnen erfgenamen dat ick om salicheyt mynre
sielen ende mijnre vrunde heb ghegheven vry uut den handen opghedragen
ende overghegheven drage op ende gheve over voer my ende mijnen erfghenamen den eersa-
men heren meyster Henrick Abt ende den convente toe Selwert van Sunte Be-
nedictus orde ende oren naecomelinghen viertijn grase landes myt syn toe be-
hoer toe behoef der custerien ende sonderlinge wyn ende oblaten mede toe copen Ewelick
ende erflick toe bruken ende toe besitten ende al horen vrien willen daer mede toe doen
myt vorwarden dat die Abt ende convent ofte horen naecomelingen dese voerscr.
viertyn grasen niet en soelen verwisselen vercopen noch vervreemden van den
clooster vorscr. meer dat sal bliven toe eenre ewigher memorien ende ghedachtenisse
mijnre sielen ende mijnre vrende sielen sonder alle argelist Dese vorscr. viertijn
grasen synt gheleghen in Beyiummer hemmerick op die nordersijde an Beyiummer
wech streckende zyck myt der wester eynde an den wech by Suetwoldenar meer
daer des presters lant by lecht op die norder zijt ter zwette daer Garmet Allema
ende dat convent van Zelwert vorscr. ellick myt een stucke landes opt oester eynde by
liggen ter zwette Hijr hebben mede by an ende over ghewesen Die ersamen heer Julle
provest toe Usquart ende cureet toe Bedum meyster Albert persoen toe Bafftlo ende her
Ayteke cureet toe Petersburen mijn hoefft priester ende voert meer Focke Rijkessoene
ende Garle Plogersma wedmans in Petersburen wedmans wijse daer toe gheropen
ende gebeden In orkunde der waerheit heb ick Ode voer ghenoemt ghebeden
den eersamen voer ghenoemden heren Jullen provest meyster Albert persoen ende
heren Ayteken mynen cureet desen brief voer my ende over my toe beseghelen
Ende wy Julianus provest Albertus persoen ende heren Ayteken cureet voergen.
hebben onse zeghelen an desen brief ghehanghen om Oden bede wille voergen.
Ghegeven int iaer ons heren dusent vierhondert drie ende tsestich des naesten
dages nae Sunte Urbanus dach des hilligen pawes ende martelaers.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 004r
Regestnr.	450
Olim	Arch. Klooster Selwerd, inv.nr. 1, reg. 221.
Jahr	1463
Datumcode	cUrbani

x

x

Material	perkament