Herdert Nye Wildynge verklaart te hebben verkocht en bij stoklegging overgedragen aan Helpryck Johanssone bij de Heerporte een jaarlijkse rente van vijf mudden rogge uit een stuk land te Ees.

Ic Herdert Nyewildynge bekenne ende tuge in dessen openen breve vor my ende myne
rechten erfghenamen dat ic hebbe verkoft ende verkope stedes vastes kopes erflike
ewelike ummermeer wijf mudde roggen iaerlikes groninger mathe over Nyewildynge
goet Helpryck Johans sone by der Heerpoten [sic] vor ene summe geldes de my wal be-
talt is nae mynen willen ende desse mudde mach men lozen myt hondert arens gulden wijf
tyen krumsterten vor den gulden of payment dat daer guet vor is ende desse mudde vorgenoemd synt
gelegen under der klocken van Borger in der buerscap van Eys. Ende byn van dessen mudden
uutghegaen als lantrecht is ende hebbe den stock daer van ghelecht under den buren
van Eys daer desse mudde liggen als Hinric Wiltyngen ende Herdert syn sone ende Johan
Husyngen ende anders gueder lude genoech ende ic Herdert vorgenoemd sal desse mudde
waren toe lantrecht Helprech tot allen tyde. In orkunde ende een tuech der waerheyt
soe heb ic Herdert vorgenoemd gebeden Johan Prandyngen dessen breef vor my to besege-
len umme gebreck des mijns ende ic Iohan vorgenoemd umme bede Herders ende meere veste-
nysse mijn segel an dessen breef gehangen int iaers ons heren dusent vyer
hondert ende dree ende sesticht des sonedages nae sunte Lucien dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	165
Regestnr.	454
Olim	Arch. Klooster Essen, inv.nr. 2, reg. 57. Reg. Feith 1463.27.
Jahr	1463
Datumcode	DpLucie

x

x

x

Material	perkament

x