Roloff Wyltinghe te Ees verklaart dat hij heeft verkocht en bij stoklegging overgedragen aan Helprick Johanssoene een jaarlijkse rente, groot vijf mudden rogge, gaande uit Nije Wyltingheguet in de buurschap van Ees in het kerspel van Borgher en verder uit al het goed dat hij van zijn moeder zal erven.

Ic Roloff Wyltinghe tot Ees bekenne ende betughe myt dessen openen besegelden breve vor my ende vor myne erffgenamen
dat ick vorkofft hebbe in enen steden ewyghen vasten erffkoepp Helprich Johans sonne vijff mudde rogghen Groningher
mate jaerlix renthen to betalen als na ghewonten in den lande van Drenthe to manen ende to boren uut Nyewyltinghe
guet gheleghen in der buerscapp tot Ees in den kerspell tot Borgheren ende aver alsodanich guet als my ankomen
mach van mynre moder in tokomenden tijden vor ene somme geldes de my wytlick all ende wall betaelt is de lateste
penninck myt den irsten. Ende bedancke Helprick vorgenoemd ende synen erffgenamen guder betalinghe. Ende sall Helprick
vorgenoemd ende synen erffgenamen desse vijff vorgenoemde mudde waren vor my ende myne erffgenamen vrij ende onbekommert ende vor all de
ghene de des to rechte komen wyllen sonder argelist. In vorworden dat ick Roloff vorgenoemd off mijne erffgenamen mogen
desse vyff vorgenoemde mudden lozen tot allen tijden wanner mij off mynen erffgenamen des ghenoget mijt hondert arnem-
scher gulden off payment dat in der tijt der betalinghe daer guet vor is ende myt volre hant. Ende hebbe van dessen
vyff vorgenoemde mudden vortichnisse ghedaen opplatinghe ende de stock gheleget vor den buren to Ees als lantrecht
is. Hier weren an ende over als buer her Egbert vicarius to Borgheren, Johan Husynghe ende Herder Wyltinghe
ende noch guder lude ghenoech. Ende want ick Roloff vorgenoemd gheens segels en bruke hebbe ick ghebeden Johan
Egbers sonne dessen breff over my to besegelen dat ick Johan vorgenoemd ghedaen hebbe om Roloffs vorgenoemd beden
wijlle int jaer ons heren do men screff duzent vierhondert vier ende tsestich opp sunte Johans ende Pauwels
dach martyrum.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	165
Regestnr.	465
Olim	Arch. Klooster Essen, inv.nr. 2, reg. 58. Reg. Feith 1464.30.
Jahr	1464
Datumcode	JohPau

x

x

Kommentar	Met het zegel van Johan Egbers

x

Material	perkament
Material	perkament

x