Eppe Ekenzoen te Undernawerum verklaart als voormond voor zijn en Sywen kinderen te hebben verkocht aan abt Hindrick en het convent te Selwert 3 1/2 jukken land ten noorden van Xaxum, aan de oostzijde begrensd door de weg naar Xaxamahusum en aan de westzijde door Eernstaheemster land of Haerldescamp, zeven forlingen ten zuiden van Xaxum en twee jukken land ten noordoosten van Xaxum in Raswerder hamrik, ten oosten van de Biscopesvenne in een venne waarin ook de Onstemans land hebben liggen, welke verklaring bezegeld wordt door Johannes, pastoor te Undernawerum.

Ick Eppe Ekenzoen to Undernawerum Bekennen unde Betugen in des-
sen openen brieve Dat ick vercofft oppgedragen unde overgegeven heb van
mijnre unde saliger Sywen kinder wegen als een voermunder Den eer-
samen heren meister Henrick Abd unde sijnen convent toe Selwert unde oren
nacomelingen vierdehalf iuck landes gelegen op die noerderzijde van
Xaxum Daer die ghemene wech op to Xaxamahusum licht op die oester zijd
unde Eernstaheemster land gehieten Haerldes camp op die wester zijde ter
zwette Item soven forlinge op die zuetzijde van Xaxum Daer Remko to
Xaxum licht op die wester zijde unde Thedeko op die oesterzijde ter zwette
Item twe iuck opt noert oest van Xaxum in XaRaswerder (sic) hammerick in
eenre vennen naest des Biscopes venne op die oester zijde Daer Onste-
mans mede ingelandet synt mit dre iucke op die oester zijde unde wes
daer van gebreket op die wester zijde van Onstemans dre iuck Dat
die vorscr. twe iuck nicht vul en synt Dat sal die Abd unde convent vorscr.
nemen op die oester zijde Onstemans dre iucke vorscr. Daer Werffummer
hilligen land naest bij licht op die oester zijde onverscheiden Dat sali-
ge Her Abele Sijwen broeder den hilligen vorscr. bokede Dit vorscr. land
love ick Eppe vorscr. vor my unde myne kindere vorscr. mijnen erffgenamen unde
vor alle die ghene die daer mit rechte moegen opspoken to waren
Den Abd unde convent vorscr. ewelick unde erfflick to bruken unde to besitten
unde al oren vrien willen daer mede to doen Vor ne summe reedes gel-
des Die my Eppen vorscr. tot mijnre kindere behoeff vul unde al is be-
taelt sonder argelist welke summe geldes ick Eppo vorscr. gekeert
heb tot nutticheit unde orber mijnre kindere vorscr. in gueden lande to Under-
nawerum manck mijnen lande Hijr hebben bij an unde overgewest Frederick
Tiarcks soen unde Tyadeko Syabben zoen wedmans to Undernawerum unde Abe-
le Hijlkama unde Aylko to Xaxum als dedingeslude to geropen unde gebeden
In orconde desser waerheit heb ick Eppo vorscr. gebeden heren Iohan cureet
to Undernaerrum mijnen hovetpreester dessen breef vor my unde over my
to bezegeln want ick selfs gheen zegel en bruke. Unde ick Johannes cureet
vorscr. heb mijn zegel an dessen breef gehangen Om Eppen bede wille vorscr.
gegeven in den iaer ons heren Dusent vierhondert vijffendesestich Des
maendages vor mey dage.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 131r
Regestnr.	472
Olim	Arch. Klooster Selwerd, inv.nr. 1, reg. 232.
Jahr	1465
Datumcode	LaMei

x

x

Material	perkament