| Nummer:kla0479 | Datum:3 okt. 1465 | Überlieferung:Afschrift | Fundstelle:Kloosterarch., inv.nr. 20, fol. 089r, reg. 479 |
Burgemeesters en raad te Groningen verklaren dat Hugo Korenpoerting, voormond, Lubbert Smit, Johan van Swolle, Mentit van Norden en Jacob Groevens, voogden van de kinderen van wijlen Johan Ghijseling en Garberge, hebben overgedragen aan abt Hendrik Vriess en het convent te Selwert een met een rente bezwaard vierendeel van Yaensummaland met alle toebehoren, gelegen op de Olde Nee als prebende voor Aeffke, een der bedoelde kinderen.
Wy Borghemestere unde Raed in Groningen betugen myt dessen openen
breve dat voer ons synt gecomen Hugo Korenpoerting vormunt Lubbert Smit
Johan van Swolle Mentit van Norden unde Jacob Groevens voegeden tot saligen
Johan Ghijseling unde Garbarges kinderen unde becanden samentlike dat sie
oppgedraghen unde overgegeven hebben droegen opp unde gaven over den eersamen
heren meister Hinrike Vriess Abd van den convente to Selwert mit Aeffken
ene van saligen Johans unde Garberges kinderen vorscr. vor ene cloester proevene
Dat vierndel van Yaensumma land mit al sijn to behoeren soe als dat gelegen
is op den Oldenee ende den vorscr. kinderen angestorven unde angeervet van oren
saligen vader vrij unde quyt erffliken unde eweliken mit allen rechte unde egen-
doeme to bruken to besitten unde oren vrijen willen mede doende Daer dat vorscr.
convent mede bij unde manck den vorscr. lande naest gelandet is Beholden enen
yeweliken in dessen vorscr. lande so dane rente als men mit rechte unde breven
breven (sic) bewisen mach sonder argelist. Dat orconde wij mit onser stadzegel
gegeven in den iaer ons heren dusent vierhondert vijf ende sestich des don-
redages na sunte Remigius dach Doe Iohan Potter, Wigbolt Lewe, Iohan Tede-
ma unde Roleff Huynge Borgemestere waren onser stad.
breve dat voer ons synt gecomen Hugo Korenpoerting vormunt Lubbert Smit
Johan van Swolle Mentit van Norden unde Jacob Groevens voegeden tot saligen
Johan Ghijseling unde Garbarges kinderen unde becanden samentlike dat sie
oppgedraghen unde overgegeven hebben droegen opp unde gaven over den eersamen
heren meister Hinrike Vriess Abd van den convente to Selwert mit Aeffken
ene van saligen Johans unde Garberges kinderen vorscr. vor ene cloester proevene
Dat vierndel van Yaensumma land mit al sijn to behoeren soe als dat gelegen
is op den Oldenee ende den vorscr. kinderen angestorven unde angeervet van oren
saligen vader vrij unde quyt erffliken unde eweliken mit allen rechte unde egen-
doeme to bruken to besitten unde oren vrijen willen mede doende Daer dat vorscr.
convent mede bij unde manck den vorscr. lande naest gelandet is Beholden enen
yeweliken in dessen vorscr. lande so dane rente als men mit rechte unde breven
breven (sic) bewisen mach sonder argelist. Dat orconde wij mit onser stadzegel
gegeven in den iaer ons heren dusent vierhondert vijf ende sestich des don-
redages na sunte Remigius dach Doe Iohan Potter, Wigbolt Lewe, Iohan Tede-
ma unde Roleff Huynge Borgemestere waren onser stad.
x
| Archiv | Groninger Archieven |
|---|---|
| Bestand | Kloosterarch. |
| Zugangsnummer | 172 |
| Inventarnr. | 20 |
| Fol. Nr. | fol. 089r |
| Regestnr. | 479 |
| Olim | Arch. Klooster Selwerd, inv.nr. 1, reg. 237. |
| Jahr | 1465 |
| Datumcode | JpRemigi |