Renger en zijn vrouw Eleke, woonachtig te Watwert, hun zoon Abele en diens vrouw Elle verklaren een landruil aangegaan te hebben met de conventslieden van Wijtwart, waarbij het klooster gekregen heeft zes jukken land op de Hoge Venne, grenzende ten westen aan de sloot en ten noorden aan de noodweg, en twee akkers land op de Dyngen, strekkende tot aan de noodweg.

Wy Renger To Watwart ende Eleke echte lude Abele unse soen Ende Elle syn huuswrouwe bekennen ende betugen ver-
mids dussen openen breve dat wy hebben gewisselt ende verwisselt mytten conventes luden to Wytwart Int eerste hebben wy
vor uns ende unse erfgenamen den Konventes luden ende hor nakomelingen upgedragen ende overgegeven ses Jucke landes
gelegen upte hoge venne dar dat convent vorsc. is swette opter oester zyde een scloet upter wester zyde en not-
wech up den nortende ter zvette Ende twe ackere gelegen up den Dyngen dar Tyare Eppe Luama steffdochter
is ter svette up de oester ende wester zyde de noert ende sprynckt an den notwech Des gelikes dre juck
dar dat Klock heem In licht In Watwerder hemrick daer Tyarc vorsc. is swette up der oester zyt ende
en sloet up der wester zyd ende de suder ende sprinckt an den notwech Vry ende quyt erfflick ende ewe-
lick to bruken to besitten to verkopen to verwisselen ende al horen vrien willen daermede to done ende
to laten sunder unse off unser erffgenamen Inseggen off behyndernisse Voer ende umme ander erve ende
lant daer uns Renger Eleke Abele Ende Elle vorsc. samentliken wal angenoget In oerkunde ende tuch-
nisse der warheit hebben wy gebeden den Ersamen heren rodolphum Wicheri unsen kerckheren to
Usquart dessen breeff over uns ende over unse erffgenamen to besegelen In tegenwordicheit Alle Baukema
ende Boye Ackema wedmans hyr to geropen ende to gebeden Ende ich Rodolphus vorsc. umme bede willen
mynre karspellude vorsc. heb myn segel wytliken gehangen an dussen breeff Gegeven Int jaer uns
heren dusent vierhundert negen ende tsestich des maendages na Paesachten.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	295
Regestnr.	521
Olim	Arch. Klooster Wijtwerd, inv.nr. 20, reg. 90. Reg. Feith 1469.33.
Jahr	1469
Datumcode	LpQuaMod

x

x

Kommentar	Met het zegel van Rodolphus Wicheri, kerkheer te Usquert

x

Material	perkament