Abelo Brungers, zijlrechter grietman, en de gezworenen in het Westerzijlvest van Vradewolt doen uitspraak in het geschil dat naar aanleiding van een belemmering in de Ae was gerezen tussen de prior van Tremont en de Haersaters enerzijds en de landbezitters van de Hoghe Maeden anderzijds, waarbij bepaald wordt dat al degenen die land bezitten aan de oevers van de Ae tussen de Damhorne en Wyamasol verplicht zijn de waterloop te onderhouden.

Wy Abele Brunghers sylrechter greetman mit den ghemenen sworen siden inder wester sylvestene van Vredewolt betu-
ghen mit dessen openen breve dat voer uns is ghekomen in gherichte de prior van Tremont mit den Haersaters
claghende up al de ghene de ghelandet weren up de Hoghemaeden tusschen de Damhorne ende Wyama sol um waterstop-
pinghe van der Ae dat se neet loepachtich was alst gheboerde. Daer se up antwerden se woldent bewisen dat de
prior ende Haersater de Ae selven weren schuldich to maken ende (h) se neet. Des heb wy greetman ende rechters den vorscreven
parten gheleghet enen warf den anderen ende den darden bewys to horen als se voerghenomen hadden des se neet
gheachtet ne hebben ende sint to elken warve rechtvaliich gheworden also wise wy voer recht dat alle de ghe[...]
sulle maken de Ae tusschen de Damhorne ende Wyama sol de daer neffen ghelandet syn. In oerkunde dess want wy
selven gheen seghel ne bruken, hebben wy ghebeden her Alef in der Nues cureet de desse waerheit heft bivest
mit synen seghel um unser bede willen in den jaer uns heren M CCCC een ende tsoventich up sunte Bartholomeus
dach des apostels.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	86
Regestnr.	540
Olim	Arch. Klooster Trimunt, inv.nr. 25, reg. 2. Reg. Feith 1471.17.
Jahr	1471
Datumcode	Bartho

x

x

x

Kommentar	Met het zegel van Alef, pastoor te Nuis

x

Material	papier

x