Burgemeesters en raad te Groningen verklaren dat Henric van Steenwick, pater, Yde Hermans, mater, Hille van Eelde, procuratrix, en de gemene zusters van het Olde Convent enerzijds en Goosen Goedens, Engelbert Scomaker, Albert Baertscherer, Jan Scherensliper en Albert Jagher anderzijds, een overeenkomst hebben aangegaan om een straat aan te leggen vanaf de Butkensstrate noordwaarts naar de stadsmuur tot aan de openbare straat, waarbij wordt bepaald dat men geen svuilnishopen of secreten langs de straat mag hebben en ieder een jaarlijkse rente, groot anderhalve gulden, aan het convent betaalt, welke rente afgekocht kan worden.

Wy borgermestere ende Raed in Groningen betugen myt dessen openen breve dat voer ons sint gekomen her Henric van Steenwick pater der zusteren des olden
conventes in onser stad zuster Yde Hermans mater zuster, Hille van Eelde procuraetrix ende gemene seniores des vors. convents ande ene zyd Ende Gosen Goedens
Engelbert scomaker Albert baertscherer Johan scherensli-per ende Albert Jagher ande ander zyd Ende bekanden samentlike voer em ende oeren nakomelingen ende
erffgenamen dat se myt malkanderen sint verdragen van een-re straten te leggen uut Butkens strate voert nortwert ter stad muren ande gemene strate in dus-
dane manieren Also dattet convent vors. sal leggen la-ten in ende over oer erve van Butkens strate an to rekenen Eenendetwintich voeten breet mytter wa-
teringe mede in gerekent wend an Herman Reberges huus toe Ende achter Hermans ende Roloffs syns nabuers huus up die nort zyde sullen se laten
leggen Eenendetwintich voete inde brede ter vors. strate behoeff Ende wes daer dan over blyfft vanden vors. erven Hermans ende Roloffs vors. dat sall
bliven den vors, convente tot ewigen dagen oeren vryen wyllen mede te doende Ende daer voer sal dat convent vors. eens oer straten maken achter de vors.
erven Ende daer na sullen se de strate vors. selven staende holden ende waeren Ende voert upt noerden vanden vors. erve sal dat convent vors. laten leggen
inder brede ter straten behoeff van oeren erve Eenendetwintich voete all hen tot den nyen kameren die dat convent vors. daer getymmert hebben daer en
sal die strate niet breder wesen dan Achteyn voeten, also lang als die kameren breet sint Ende als die strate eens wall gemaket is so sal dat
convent vors. den die wester zyd bylanges der straten tobehoert die helffte vander strate waeren Ende mogen in rumen dair tot oeren wyllen sunder yemandes
wederseggen Ende des gelikes alle die gene, die up de oester zyde vander straten vors. leggen, sullen oere zyden waeren dat segiet sy Ende mogen samentlike
in rumen inden dat die strate daer niet mede gekrenket en worde als em dat best genoget sunder yemandes wederseggen Ende elk vanden
genen die vailen up die oesterzyde offte up de wester zyde vander straten vors., sal sine zyden reyne holdea ende en laten dair gene onreynicheit upleggen
boven ene kare offte twe hent up den derden dach ten hogesten Ende niemant van beyden zyden en sullen daer secreeten up holden Ende offte dat geschiede
hiir en boven, so mach elk den anderen daer to dwyngen myt stad rechte, dat to beteren Ende die brede vander vors. strate, salmen aff meten van Engelbert
scomakers vors. achtergevel ende van Albert Jaghers vors. achtergevel want de stonden up de wateringe getymmert eer men desse vors. strate makede
Ende voer dat erve dattet convent vors. hefft laten leggen ter straten behoeff achter der vors. persoenen erve sal elk voer em ende oeren erffgenamen den
convente vors. jaeriix geven ende betalen alze stad recht is Anderhalven gulden rente Teyn onser stad vlegers voer datum desbreves gemuntet offte
payment dat daer guet voer is voer den gulden gerekent, dat convent vors. ewliken ende Erffliken to boren to bruken ende to besitten oeren vryen wyllen mede
to done Ende vanden huuse daer Albert backer nu ter tyt ynne woent tusschen Johan scherenslypers huus ende Albert baertscherers huus gelegen, den
uutgang hebben Herman Reberch ende Gosen Goedens an em genomen Ende staen den convente vors. voer die rente als vors. is jaerlix voer em ende oeren
erffgenamen tot ewygen dagen gelyc den anderen huusen dattet convent vors. belevede ende se voer ons bekanden an beyden zyden Hiir is togesproken dat
desse vors. personen offte oere erffgenamen elk sodane Anderhalff gulden rente vors. mogen aff kopen wanneer em des genoget myt vyffendetwintich
gulden vors, payments effensche ende niet myn Item de wateringe die lopet ande oester zyde vander vors. straten, sal lopen achtert de vors. erven als
sie to voren plach te doen over Hermans ende Roloffs vors. erven by oeren gevel langes als inde wateringe die daer lopet achter der Jacopynen
steenhuus Ende die wateringe die daer lopet voer Speckers huus ende achter Speckers erve ende die vull eerde myt oer uutwateringe die uut
den cloester vors. komet, sal lopen ende bliven ande wester zyde vander vors. nye strate ende niet ande oester zyde tot genen tyden, doer den zijll die
daer licht doer de nye strate welker zyll dat convent vors. sal staende holden tot ewygen dagen, voert so bekande her Henric pater ende gemene
seniores des convents vors. dat Engelbert scomaker Johan scherensliper ende Albert jagher vorgen. hebben elk aff ende quyt gekofft sodane Anderhalven
gulden rente als sie elk den convente vors. jaerlix schuldich waeren ende geven solden van wegen der strate uutgange ende stede als vors. is voer ene summe
geldes van elken, die dat convent vors. bekande dat em vull ende all is betaelt sunder argelist, Dat orkonde wy myt onser stad zegell Ghegeven
inden jaer ons heren dusent vierhundert tweendetsoventich up sunte Mathias Avent apostoli doe Herman Koninge, Johan Rengers Scaffers, Johan Tedema ende Johan Koenrades borgermestere waeren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	386
Regestnr.	545
Olim	Arch. Olde Convent, inv.nr. 11, reg. 50.
Jahr	1472
Datumcode	vMatthi

x

x

Kommentar	Met het stadszegel

x

Material	perkament