Burgemeesters en raad te Groningen verklaren dat Andreas Ghijsens en Garmen Reynkensz hebben toegestaan aan abt Hinrick en het convent van Selwert het medegebruik van de weg, gelegen aan de zuidzijde van hun molenberg buiten Botteringpoerte, welke weg de verbinding vormt tussen de straat aan de oostzijde en het conventshof aan de westzijde, waarvoor genoemde abt en convent aan Garmen Reynkensz toestaan een haag of muur te plaatsen aan de sloot, die aan de westzijde van de genoemde molenberg langs de wal van het convent loopt.

Wij borgemestere ende raed in Groningen betugen mit dessen openen brie-
ve dat vor ons sint gecomen Andreas Ghijsens ende Garmen Reynkensz ende
becanden dat sie vor em ende oren erffgenamen hebn gegunt ende toegestaen gunnen
ende staen toe den eersamen heren meister Hinrick abd ende convente van
Selwert ende oren nacomelingen die medebrukinge des weges bij der zuder
zijd over oren Molenberch die sie liggende hebn buten Botteringe Poerte
an die wester zijde van der straten daer Roeleff Hubbelding ende Ghese Lee-
wens mit der kinderen ende erffgenamen naest bij gelandet sint an die zuder zijde
streckende westwert van der straten an des vorsc. conventshoff vrij ende quijt
erffliken ende eweliken mede over toe varen toe gaen toe rijden ende voert
daer over toe doen wes em noet. Item ende uuten hove vorsc. ende oeck die
ghene die dat van ore wegen brukende sint mit vorwarden dattet
convent vorsc. den selven wech vorg. tot eewigen dagen sullen mede staen
de holden ende maken helpen. Ende hyr vor hefft die abd ende dat convent vors.
vor em ende oren nacomelingen weder gegunt ende toegestaen Garmen vorsc.
ende sijnen erffgenamen dat sie eenen mure off hege moegen setten ende oppleggen in
den sloet die an die wester zijde van Garmens vorsc Moelenberch gelegen
is an des vorsc. conventswall sonder wedersprekinge offt bestraffinge des con-
vents vorsc. toe sijnen berch vors. tot eewigen dagen toe gebruken sonder ar-
gelist. Dat orconde wij mit onser satd zegel. Gegeven in den jaer ons
heren dusent vierhondert twe ende soventich des dinxdages nae sunte
Bonifaciusdach doe Herman Coninck, Johan Rengers Scaffers, Johan Te-
dema ende Johan Coenrades borgemestere weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 065r
Regestnr.	550
Olim	Arch. Klooster Selwerd, inv.nr. 1, reg. 275.
Jahr	1472
Datumcode	MpBonifa

x

x

Material	perkament