De gemene buren van Borgher verklaren dat zij hebben verkocht en bij stoklegging overgedragen aan Johan Egberts, schout te Borger, twee stukken land in de buurmark van Borger, waarvan het ene gelegen is tussen het huis van de schout en het burenkerkpad en het andere tussen Ammyngenhove en de dijk.

Wy gemenen buer van Borger wy bekennen in dezen openen breve dat wy
hebben verkoft stedes vastes arfcopes myt vryen twillen ende guden berade
Johan Egberts schulten to Borger in der tijt twe stucke landes uut der
buer marke van Borger voer ene summe van gelde de ons witlick ende wal
betaelt ys tot onsen willen ende hebben dat to der buer behoef gelecht.
Ende dat ene stucke landes licht tusschen des schulten hues beneden ende bueren
karckpat up den olden graven, dat ander is gelegen tuschen Ammyngen hove
ende den dyke. Van desen vorscreven lande hebbe wy vorscreven buer van Borger
Johan Egbertes den stoc van gelecht ende sint des landes af gegaen als lant recht
is. In orkunde so hebbe wy gemenen buer van Borger eenpartlike gebeden Arnt Hil-
boldynge desen breef voer ons to bezegelen want wy selven geen zegel en bruken so
heb ic Arnt vorscreven umme bede wyllen der gemenen bueren van Borger myn zegel an desen
breef gehangen int jaer ons heren M CCCC LXXIII [int j.] up der twalf apostel dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	99
Regestnr.	562
Olim	Arch. Klooster Essen, inv.nr. 2, reg. 65. Reg. Feith 1473.20.
Jahr	1473
Datumcode	DivApo

x

x

Kommentar	Met het zegel van Arnt Hilbordynge

x

Material	perkament

x