Jacob, pastoor te Marum, verklaart te hebben verkocht aan het klooster van Trymont een stuk land, gelegen in de Broke, dat eerder aan Buwe Boetsma toebehoorde, waarvan de koopsom hem is betaald door Brun van Munster en Johan van Munster, verwaarders van het convent van Trymont.

Ick her Iacob cureet to Marum bekenne ende betughe myt dessen openen breve dat ick heb vercocht ende
over ghegheven voir my ende myn erfghenamen ende naecomelinghe den cloester van Trymont dat
lant dat gheleghen is in den Broke alse dat placht to (bru) behoren Buuen Boetsma dar by ghelan-
det is dat vorscreven covent [sic] an de oester sijt ende ock an de wester sijt voir een summe van ghelde de my
her Iacob vorscreven vol ende al betaelt is den ijrsten penninck mitten lesten van her Brun van Munster ende
her Iohan van Munster nu ter tijt verwares des covents [sic] van Trymont tot mynen wyllen. Wellick
lant vorscreven ick her Iacob vorscreven vry wyl leveren voir my ende myn erfghenamen ende naecomelinghe
ende voir alle aensprake ewelick ende erfflick toe besit-ten, toe bruken, toe vercopen, toe verhuren
ende horen vryen wyllen dar mede toe doene sonder al arghelist ende nye vonden. Hyr hebben
aen ende over ghewest Date Reynekema ende Focke Reyts. In oirkonde der warheit so heb ick
her Iacob vorscreven ghebeden Benno Wyema greytman nu ter tyt in dat westerdeel van Vredewolt
dessen breff to beseghelen myt dat lant seghel over my umme mynre bede wyllen int jair ons
heren dusent vyerhondert ende vyerseventich des vrigdaghes na onses heren hemelvaert.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	67
Regestnr.	575
Olim	Arch. Klooster Trimunt, inv.nr. 3, reg. 6.
Jahr	1474
Datumcode	VpAscDom

x

x

x

x

Kommentar	Met het zegel van Vredewold

x

Material	perkament

x