Burgemeesters en raad te Groningen verklaren dat Hoyke Tedema heeft verkocht aan Andreas Ghijsens een jaarlijkse rente, groot achttien guldens, gaande uit Thedemaheerd te Petersburen, en al zijn goederen, welke rente te allen tijde kan worden afgekocht met 300 gulden.

Wy Borgemestere unde Raed in Groningen Betugen mlt dessen openen brieve
Dat vor ons is gecomen Hoyke Tedema unde becande vor em unde synen erffgenamen Dat
hie hevet vercofft oppgedragen unde overgegeven Andreas Ghysens unde synen erff-
genamen Achtyn golden erffliker Renten tyn onser stad vlegers vor datum desses bre-
ves gemuntet offte payment dat daer guet vor is vor elcken golden gerekent
Jaerlix to mydwinter to betalen to boeren unde to manen uut Thedema heerd mit
al sijn to behoeren gelegen in Petersburen unde voert uut alle syne andere gudere
oeck waer die gelegen synt vrij unde quyt Vor ene summe geldes Die Hoyke vorscr.
becande dat em vol unde al betaelt is ende offte desse vorscr. rente niet betaelt en wor-
de als vorscr. is Soe moegen Andreas vorscr. unde syne erffgenamen die in manen mit wat
rechte em des genoeget scadeloes ghelt Hyr is to gesproken dat Hoyke vorscr. off
te sijne erffgenamen desse vorscr. Achtyn gulden rente moeghen veder aff unde quijt co-
pen wanneer em des genoeget mit Drehondert gulden vorscr. paymentes
unde mitter vuller renten sonder argelist Dat orconde wy mit onser Stad zegel
gegeven in den iaer ons heren Dusent vierhondert vier unde tzoventich Des
maendages vor sunte Andreas dage Apostoli Doe Gozen van Dulck, lohan Rengers
van den Poste, Alert Clant, Sweder Kater Borgemestere waren onser Stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 097r
Regestnr.	580
Olim	Arch. Klooster Selwerd, inv.nr. 1, reg. 287.
Jahr	1474
Datumcode	LaAndree

x

x

x

Material	perkament