Rener Claeusma en zijn vrouw Luydeke Boel Wybkama, woonachtig te Petersburen, verklaren dat zij hebben overgedragen aan abt Hinrick Vries van Bafflo en het convent te Selwert een heerd te Raswert, die aan Rener was gekomen uit de nalatenschap van zijn vader Yweken Yelmersma, met huis en heem en 42 jukken land, waaronder vijf jukken op Riaswerdermeede in de Reydmeer, vijf jukken grenzende aan een noodweg, veertien jukken grenzende aan noodwegen, "die camp over den dorppsloet vor die Bossdoer", grenzende aan de gemene weg, een juk land in het Olde Lant, twee jukken in de Hyrnna bij het Weyfliaeth, veertien forlingen bij de Hinkamasloet, drie jukken bij Hoykingehuustervenne, drie forlingen bij Hinkamasloet, twaalf forlingen in de Hlatha, twaalf forlingen op de Olde Falch, drie forlingen in de Wiringeghorna, in ruil voor een heem, geheten Baldingesheerd, met 69 jukken land.

Rener Claeusma ende Lyudeke Boel Wybkama echtelude in Pe-
tersburen wy bekennen unde Betugen in dessen openen breve Dat wy
hebn oppgedragen unde overgegeven vor ons unde onsen erffgenamen tot enen
vasten steden arffwissel Den eersamen heren meister Hinrick Vries van
Bafflo Abd wide sijnen convent to Selwert van sunte Benedictus orden ende oren
nacomelingen onse heerth to Raswert Die my Rener angecomen unde anghe-
ervet is van saligen Yweken Yelmersma mijnen olden vader mitten langen
huiis unde mitten heem daer dat huus opstaet behalven die kemnade Als sa-
lige Yweka dat plach to bruken mit twe unde veertich iucke landes van stuc-
ken to stucken hijr na beschreven. Int eerste vijff iucke meedlandes op Riaswer-
der meede in die Reydmeer Daer Boyko Rypkumma bi licht op die westerzijde unde
Luido Allema op die oester zyde ter zwette Item vyff iucke landes wey landes Da-
er een notwech by licht opp die oester zyde ter zwette unde Nonno Peyama unde Jarich
sijn broeder liggen op die westerzyde unde salige Hyddo Aylkumma land licht op
den zuder einde Item veertyn Jucke weylandes iiuschen twen notwegen opp
die zuder unde noerder zyde Daer salige Hyddo Aylkumma land licht op den oester
einde unde Nys Wiggers to Groningen op den wester einde ter zwette Item dre
Juck gehieten die Camp over den dorppsloet vor die Bossdoer Daer Jarich unde
Nonno Peyama by liggen opp die wester zyd ter zwette unde die gemene wech van
Riaswerder dorpp noertwerth licht opp die oester zyd Item twaleff forlinge to
des campes einde vorscr. by den wech langes vorscr. Daer Boyko Ryppkumma bi licht
op die wester zyde ter zwette Item elven forlinge Daer Baffelder hilligen bi lig-
ghen opp die wester zyde unde Ghele Haerdzama op die oesterzyde ter zwette Item ne-
gen forlinge opp die westerzyde der hilligen land vorscr. Daer Katherina Dercks-
dochter voert wester by licht ter zwette Ita (sic) Item een iuck int olde lant Daer
Luido Allama by licht op die oester zyde unde Poppke to Raswert op die wester
zyde ter zwette Item twaleff forlinge Daer salige Hyddo Aylkama land bi licht
op die oester zyde unde Tiarck Blydama op die wester zyde ter zwette Item twe
iuck in die Hyrnna by dat weyfliaeth Daer Jarich unde Nonno Peyama bi lig-
gen op die oesterzyde ter zwette Item veertyn forlinge opp Hinkamasloet Da-
er Boyko Ryppkumma bi licht opp die wester zyde ter zwette Item dre iuck by
Hoykinge huester venne Daer Pocko Schroeder by licht op die oester zijd mit
enen acker ter zwette unde Meynolt Groete Eysenzoen een stucke weges landes
opp die wester zyde Item dre forlinge by Hinkama sloet Daer Boyko Ryppkum-
ma by licht op die oesterzyde van Ulbeths Liuppe opp der wester zyd Item twa-
leff forlinge inda Hlatha Daer Tateko Meenskens by licht op die nortwester
zyd unde Obeko Sybens kindere liggen op die ander zyd ter zwette Item twaleff
forlinge op die Olde Falch Daer Boiko Rijpkumma by licht op die oester zijde unde
Luido Allama opp die wester zijde ter zwette Item dre forlinge in de Wringeg-
horna Daer Jarich unde Nonno Peyama bi liggen op die wester zyde ter zwette
Item twe forlinge Daer Menneke groete Eysen wyff bi licht op die oester zijde
ter zwette to samen gerekent opp twe unde veertich iuck landes als vor geroert
is voer een heem gehieten Baldinges heerd unde vor negen unde Sestich iuck lan-
des Daer wij Rener unde Ludeke vorscr, die bezegelde breve van ontfanghen hebn
van den abd unde convente vorscr. van dat heem unde van getal der iucke landes
vorscr. Alsoe dat wij Rener unde Ludeke vorscr. to enen steden erffwissel vor hebn ge-
gegeven den Abdte unde convente vorscr. heem vor heem twe unde veertich Juck vor
Dre unde sestich iuck unde onse lange huus to Raswert vorscr. Die ses iuck bi den
Dre unde sestich iuck vorscr. ewelick unde erfflick to bruken to besitten unde al oren vri-
en willen daer mede to doen mit allen rechte unde egendoeme met al syn toe-
behoer sonder alle argelist Hyr is togesproeken off yemant van ons beiden
parten niet en genoechde in groetheit der mate als voirscr. is so mach hiet laten
meten opp syns selves cost in tegenwoerdicheit des anderen partes tuschen
datum desses breves unde Sandgange naest comende unde nicht langer unde daer
nae sal em yegelick genoegen in der maten vorscr. Hijr hebn an unde overghewest
Jaen toe Dyck unde Irick Diurdes meyer onse wedmans toe Petersburen wedmans
wyse to gebeden unde geropen In orconde desser waerheit heb ick Reiner vorscr. mijn ze-
gel an dessen breeff gehangen unde om mere vestenisse desser waerheit heb wij Rener unde
Ludeken vorscr. gebeden Den eerbaren heren meister Albert Vriese Persoen to Bafflo
dessen breef mede over ons to bezegelen want hie dessen wissel vorscr. myt Syeken
Schroeder tuschen beiden parten hevet gededinget unde uutgesproken unde ick
Albertus Persoen vorscr. heb myn zegel an dessen breeff mede gehangen om Re-
ner unde Ludeken bede wille want ick dessen wissell mede ghededinget heb
als vorscr. is gegeven in den iaer ons heren dusent vierhondert vijff unde so-
ventich Des maendages vor sunte Peters dach Ad cathedram des hilligen
Apostels.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 100v
Regestnr.	585
Olim	Arch. Klooster Selwerd, inv.nr. 1, reg. 291.
Jahr	1475
Datumcode	LaCatPet

x

x

Material	perkament