Rotte Reynema en zijn zoon Encke verklaren te hebben verkocht en over te dragen aan het klooster van Trymont een stuk land in de Broke en een "mannemaet" land in de Phalsche, aan de noordzijde begrensd door Berndt in het Seethues, waarvan de koopsom hun is betaald door Johan van Munster, priester en "verwaarder" van het convent van Trymont.

Wy Rotte Reynema ende Eneke myn sonne bekennen ende betu-ghen myt dessen openen breve dat wi hebn vercofft ende over ghegheven voir ons ende
onse erfghenamen den cloester van Trymont dat land dat wy hebben ligghen in den Broke tusschen der hillighen (da) lant van Nort-
wijck an de oestersijt ende an de westersijt dat covent van Trimont so alse dat dar gheleghen is ende vort eyn gud mannemaet landes
gheleghen in de Phalsche dar by gelandet is an de noerdersijt Bernd in dat seethues an de sudersijt Hinrick up de Haer voir een
summe ghelde die ons Rotte vorscreven ende Eneke vorscre-ven vol ende al betaelt is den ijrsten pennynck mitten lesten van broder Iohan van
Munster priester nu ter tyt verwarer des covents van Trymont tot onsen wyllen. Wellick lant vorscreven wy Rotte vorscreven ende Eneke vorscreven
vry wyllen leveren voir ons ende onse kynderen ende onse erfghenamen ende naekomelinghe ewelick ende erfflick to besitten, toe
bruken, to vercopen, to verhuren ende horen vryen wyllen dair mede to doene sonder al arghelist ende nye vonden. Hijr hebben aen
ende overwest broder Bru/e\n van Munster ende broder Hermen van Steynwyck priesters ende Benne Wyema doe ter tyt gretman in dat
wester deel van Vredewolt. In oirkonde der warheit went wy Rotte vorscreven ende Eneke vorscreven selven gheen seghel bruken so
hebbe wy ghebeden Benne Wyema vorscreven dessen breff to beseghelen myt dat lant seghel over ons umme unser bede wyllen
int jair ons heren dusent vierhondert ende seisstseventich des vrygdaghes voir Sunte Benedictus dach.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	68
Regestnr.	599
Olim	Arch. Klooster Trimunt, inv.nr. 4, reg. 7. Reg. Feith 1476.37.
Jahr	1476
Datumcode	VaBenedi

x

x

Kommentar	Met het zegel van Vredewold sur double queue.

x

Material	perkament

x