Tamme Moensma en Brechte, echtelieden te Feerwerd, verklaren te hebben overgedragen aan abt Hinrick en het convent te Selwerd 6 grazen min 18 stocken in een venne van 8 grazen, genaamd Kernsser venne, ten noorden van Aynge heerd, in ruil voor twee stukken land ten noorden van Feerwerd.

Tamme Moensma ende Brechte echte lude to Ferwerth bekennen ende betugen met
dessen openen brieve Dat wy hebn oppgedragen ende overgegeven vor ons ende onsen
erffgenamen Den eersamen heren Meister Hinrick Abd ende synen convente to Selwert van
sunte Benedictus orden ende oren nacomelingen Sess grase landes achtyn stocken myn
In ene venne van achte grase gehieten Kernsservenne Daer Menolt Hilkama
to Eesdinge inne hefft twe grase landes Desse venne vorscr, licht op die noerder
zyd van Aynge des convents heert vorscr, dar des convents land vorscr, by licht op
die zuder zyd ter zwette ende Menno Dodema ende Menolt Hilkama liggen op die
noerder zijd ter zwette Voer twie stucke lands gelegen op die noerdersyde
van Ferwert Dar dat ene stucke van licht op die oester syde van den wech na
Adewerder zyl Ende dat ander stucke opp dat west van daer gehieten Inden Uutdam
tosamen gemeten op ses gras lands vyftien stocke myn Mit allen rechte ende egen-
doem ende mit al syn tobehoer eewelick ende erfflick toe broken ende to besitten sonder
argelist Desse wissel is gheschien int cloester to Selwert Int iaer ons heren du-
sent veerhondert sesendesoventich, des dinxdaechs nae onser liever vrouwen
toe lichtmisse Ende wy hebn malcanderen die mate van beiden lande vorscr. gelevert
desselven iaers van sevenendesoventich op sunte Franciscus dach Daer by an ende
over weren Die erbare manne Heer Johan kercheere Menno Bodama hofftling
Yge wedman toe Ferwert Heer Johan Cappellaen toe Selwert ende Symon
Floschert landmeeter daer toe geroepen ende gebeden In orconde der waerheit hebn
wy Tamme ende Brechte gebeden heren Johan onsen kercheer vorscr, vor ons ende over
ons toe bezegelen dessen brieff Ende ick Johannes kercheer toe Ferwert vorscr, heb myn
zegel an dessen brieff gehangen Om Tammens ende Brechte bede wille vorschreven.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 041v
Regestnr.	603
Olim	Arch. Klooster Selwerd, inv.nr. 1, reg. 302.
Jahr	1476
Datumcode	Franci

x

x

Material	perkament