Harman Wiltynge verklaart dat hij heeft verkocht en bij stoklegging overgedragen aan Johan Egberdes en diens vrouw Geye al het goed te Ees dat hij heeft geërfd van zijn ouders.

Ic Harman Wiltynge bekenne myt dessen openen breve dat ic hebb verkoft stedes vastes erfkopes erflike ende ewelike vor my ende
myne erfgenamen Johan Egberdes, Geyen synre huesfrouwen ende oeren erfgenamen all alsulck guet als my Harmen vorscreven van myner
saligher olde moder Yummen Wiltynge ende van mynen saligen vader Johanne Wiltynge is an ghearvet der God genade tilber guet ende
arfachtich al waer dattet licht inder marke van Ees ende onder der clocken van Borger ende inden lande van Drenthe all
wart sy gelegen voir ene summe van gelde de my Herman vorscreven witlick ende wall betalt is den lesten penninck mit den eersten
sall ende will Johanne ende Geyen vorscreven dat vorscreven guet vry waeren voer my ende myne erfgenamen ende voer al de ghene de daer
op spreken moegen myt enighen rechte sunder argelist. Ende hebb Johanne ende Geyen ende oeren erfgenamen den stock daer van ghe-
lecht vor buren arfachtich toe Ees als Albert Wiltynge ende Johan Huzinge ende meer wynkopes lude genoech. Hyr weren
an ende over voer dedynges lude heer Dyrck Cloet cureit to Geten ende Albert Wiltynge. Want dit aldus is
gescheet so hebb ic Harman Wiltynge vorscreven vor my ende myne erfgenamen gebeden heer Johan van Huesswerden kercheer to
Borger dessen breeff vor my to bezegelen want ic selven geen segel en bruke. Ende so heb ic Johannes cureit vorscreven om
bede willen Hermans myn segell bneden an dessen breeff gehangen inden jaer ons heren duzent veerhundert ende
sevenendetseventich des wonsdagen na sancte Andreas dach apostoli etcetera.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	99
Regestnr.	623
Olim	Arch. Klooster Essen, inv.nr. 2, reg. 70. Reg. Feith 1477.24.
Jahr	1477
Datumcode	EpAndree

x

x

x

Material	perkament

x