Hermannus te Ranum, Jacop Rewers en Clawes Luipens, kerkvoogden te Ranum, en de gemene buren van Ranum verklaren een landruil aangegaan te hebben met de commandeur en de gemene heren van Wijtwart, waarbij de laatsten gekregen hebben een halve juk land op Ranemaervalghe.

Wij Hermannus to Ranum ende Jacop Rewers ende Clawes Luipens voghede daer sulves to Ranum myt den ghemenen buren
bekennen ende betughen myt dessen openen breve dat wy vorwesselt hebben eyn halff juck landes gheleghen up Ranemer
valghe daer Auteke to Uthhusen an beyden zyden ter swette licht myt oeren lande myt den Eersamen hern den Cummeldur
ende myt den ghemenen hern toe Wijtwart ewelijk ende erffflijk to des cloesters behoeff Waer umme gheve wij heer
Herman myt den vogheden ende den ghemenen buren over dyt vorsc. halff juck landes den eersamen hern toe wijt-
wart ewichlijk ende eerfflijk to bruken ende oeren vrijen wyllen dar mede to doende sunder jenygherleye argelist
ende ansprake de daer in nakomen tijden van komen mochte Hijr hefft mede an ende over ghewesen Jacop
Rewers vorsc. wedman in wedmans wyse hijr to gheropen ende ghebeden Des to mere tuchnisse ende weste
nysse der waerheyt so hebbe ik here Herman vorsc. vor my ende vor de voghede ende ghemene buren myn
seghel ghehangen an dessen breff Ind iaer uns heren dusent veerhundert achtendesoventich up sunte vites
dach des hilgen martelers.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	271
Regestnr.	632
Olim	Arch. Klooster Wijtwerd, inv.nr. 13, reg. 94. Reg. Feith 1478.28.
Jahr	1478
Datumcode	Viti

x

x

Kommentar	Met het zegel van Hermannus

x

Material	perkament