Burgemeesters en raad te Groenyngen verklaren dat Almer te Hoegherkerken, zijn vrouw Wiberich en hun zoon Menne hebben geruild, verkocht aan Eppe Allema en Garmet Allema, voormond van de kinderen van Eppe uit zijn eerste huwelijk met wijlen Wilme, een venne land onder Adorp, groot negen grazen, begrensd in het oosten door de Gaewech en in het zuiden door een noodweg, van welke venne de helft aan Menne Azeghens van Sauwert toebehoort, in dier voege dat Eppe en Garmet ieder de helft ontvangen, in ruil voor twee grazen land te Elderdehusen in een venne waarvan het resterende gedeelte aan Eppe en zijn kinderen en de Bedemer kerk toebehoort, en een som geld.

Wy borghemeystere ende Raed in Groenyngen betughen myt desen openen brieve
dat voer ons synt ghecomen Almer ter Hoegher kerken Wiberich syn echte huus-
vrouwe ende Menne oer soen ende becanden voer hem ende horen erfghenamen
dat sie in een wissel ende koep hebn op ghedraghen ende overghegheven droeghen
op ende geven over Eppe Allema voer em ende sijnen erfghenamen die helfte ende
Garmet Allema voermunt toe Eppens voerscr. ende salighe Wilmes sijnre ierster
huusvrouwen kinderen toe behoef der kinderen vorscr. ende oren erfgenamen die ander
helfte van eenre venne landes van neghen grasen die helfte van der venne voer
screven daer Menne Azeghen soen van Sauwert die anderhelfte van toe behoert
gheleghen toe Adorp daer Onstemans naest by ghelandet synt op die wester sijd
Sauwerder hillighen opt norder eynde die Gaewech op die oester syd ende een
noetwech opt suder eynde vry ende quyt erfliken ende eweliken toe ghebruken
ende toe besitten myt soe done dyke ende weghe als daer op vallen voer twe gra-
se landes gheleghen toe KLderdehuusen in eenre venne van vyftyn grasen daer
Eppe ende sijnen kinderen ende Bedemer hillighen dat ander van behoert die Eppe
ende Garmen voerscr. em daer weder voer op draghen hebn ende over ghegheven ende een
stumne gheldes daer toe die Aimer Wyberich ende Menne oer soene voerscr. bekanden
dat em vol ende al is betaelt sonder arghelist dat Orkunde wy myt onse stad seghel.
Ghegheven int iaer ons heren dusent vierhondert ende achtentsoeventich des
saterdagh voer sunte Tiburcius dach doe Evert Hubbeldinck, Sweder Kater, Ja-
cob Grovens ende Rolef Mepsche borghermeystere weren onser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 001r
Regestnr.	633
Olim	Arch. Klooster Selwerd, inv.nr. 1, reg. 322.
Jahr	1478
Datumcode	SaTiburt

x

x

x

Material	perkament