Johan van Voerst, pastoor te Runen, Roeloff van den Cloester, Johan Wyng en Johan Boelmansz verklaren dat zij bemiddeld hebben tussen Henrick van Munster, heer van Runen, collator en patroon van de vicarie van Gasselte, en heer Ludeken, prior van het convent van Essen bij Groeninghen, in dier voege dat het convent van Essen het gebruik zal hebben van een huis met hofstede te Gasselte bij de vicarie, geheten de Blanckenborch, voor een nader vast te stellen som, waartoe heer Ludeken de tegenwoordige bewoner van Blanckenborch, Teelken Bruens, uit het huis zal zetten, en waarbij de bepaling gemaakt wordt dat in dit huis nooit een taveerne gevestigd mag worden.

Wy Johan van Voerst priester pastoir tot Rune, Roeloff vanden Cloester, Johan Ebyng ende Johan
Boelmanszoen bekennen in desen apenen breve dat wy ghedinget hebben tusschen Henrick van Munster
heer van Runen als collatoer ende patroen der vicarien toe Gasselte ende heren Ludeken pryor des
convents van Essen by Groeninghen in aldusdaenen manieren hyr naebescreven: Item, soe sal voirscreven
convent van Essen hebben ende bruken tot ewighen tyden een huys mytter hoffstede gheheten die
Blanckenborch ghelegen toe Gasselte by die vicarien voirscreven. Dair voir sal dat convente van Essen
voirscreven jairlix der voirscreven vicarien uutreken ende betalen alsoe vele als hoire consciencie des
voirscreven convents duncket dat sye dair voir eghen te betalen. Dat sal heer Ludeken offt
emant van des convents weghen voirscreven doen ende beschicken te gheschiene ten naesten
meye nae datum sbrieffs. Voirt syn voirwerden dat heer Ludeken pryor voirscreven offt emant
van des convents weghen ten naesten meye sullen Teelken Bruens uut den voirscreven huyse setten
ende dair nae tot ghenen tyden vanden huyse een taveerne te maken. Men sye moeghen
dair in setten een guet deghelyck persoen myt consente des vicarys der voirgenoemde vicarien
die hem dat huys op holden ende hem doen gherack als sye des behoeven. In oirkonde
der waerheit soe hebben wy vyer voirghenoemden onse seghele beneden an desen
brieff ghehangen in den jaer onss heren dusent vyerhundert neghenendetsoventich
des dinxdaghes nae Sancte Gregorius dach papa.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	154
Regestnr.	641
Olim	Arch. Klooster Essen, inv.nr. 6, reg. 71. Reg. Feith 1479.37.
Jahr	1479
Datumcode	MpGregor

x

x

Kommentar	Met de zegels van de vier genoemde dedingslieden

x

Material	perkament

x