Johan van Schermbeck, geheten Visscher, verklaart dat hij heeft verkocht en bij stoklegging overgedragen aan de abdis en het gemene convent van Essen bij Gronyngen een akker land op de es te Ees, geheten de Dallacker, en verder twee stukken hooiland in de marke van Borgher, die hij heeft gekocht van Roloff Wiltinge, zoals vermeld in de hierbij getransfigeerde akte (kla0542).

Ic Johan van Schermbeck gehieten Visscher kenne ende tuge myt desen openen breve voir my ende voir myne
erffgenamen dat ic vercoft hebbe stedes vastes erffkopes erfflick ende ewelick om ene summe geldes die my
witliken voll ende all wall betalt is die leste pennyng myt den iersten der Eirwerdigen abdissen ende gemenen
convent des cloesters tot Essen by Gronyngen van Sinte Bernardus orden ende oeren naekomelinghen enen acker
lands gelegen opden Essche toe Ees gehieten die Dall acker ende twe stucke hoeylands gelegen inder marke
van Borgher als ic den acker ende hoeylandt gecoft hebbe van Roloff Wiltinge nae uutwysinge des prin-
cipaell coepbriefs daer dese tegenwordige transfixbrieff doer gesteken ende getransfigiert is van
welken acker ende hoeylande voirscreven ic Johan voirscreven den stock gelacht hebbe tot behoeff des cloesters
voirscreven als lantrecht is inden lande van Drenthe ende love hem des to waren voir my ende voir myne
erffgenamen ende voir alle die ghene die daer myt rechte opp spreken moigen. Hier wern an ende over alse buer
toe Ees Henrick Wiltinge, Albert Prandinge ende buer to Borgher Willem Westebrynge, Hermen
Gibbekinge ende meer gueder lude genoech. In een tuech der waerheit so hebbe ic Johan Visscher
voirscreven myn segell voir my ende voir myne erffgenamen beneden an desen brieff gehanghen. Gegeven inden jaer
onss heren M^oCCCC^o ende tachtentich opp sunte Johannes dach ante portam latinam.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	98
Regestnr.	657
Olim	Arch. Klooster Essen, inv.nr. 2, reg. 73.
Jahr	1480
Datumcode	JohaPL

x

x

x

Material	perkament

x