Johan Visscher verklaart dat hij verkocht en bij stoklegging overgedragen heeft aan de abdis en het gemene convent te Essen bij Gronyngen een vierendeel van het erf en goed, geheten Nije Wiltinge en gelegen in de buurschap van Ees in het kerspel van Borger, welk goed Yeye Wiltinge verkocht heeft, benevens een jaarlijkse rente groot zes mudden rogge.

Ic Johan Visscher kenne ende tuge myt desen openen breve voir my ende voir myne erffgenamen dat ic vercoft hebbe
stedes vastes erffkopes erfflick ende ewelick om ene summe geldes die myt [sic] voll ende all wall betalt is die leste pennyng
myt den iersten der eirwerdiger abdissen ende gemeinen convente des cloesters tot Essen gelegen by Gronyngen van
sunte Bernardus orden een vierdell vanden erve ende guede gehieten Nye Wiltinge gelegen inder buerscapp van Ees
ende inden kerspell van Borgher myt synen toebehoeren welk Yeye Wiltinge plach toe te hoeren dat sie vercoffte Willem van
Hulsen, Johanne Wiltinge to Valte ende Helpric Stuven ende ic dat voirt gecoft hadde van Willem, Johan ende Helpric
voirscreven ende daer toe ses mudde roggen Gronynger mathen des jaers myt alsulken lande ende achterstallighen
roggen als ic gecofft hadde van Otto Heppinge. Ende ic Johan Visscher voirscreven draghe opp ende gheve over myt
hande ende myt monde myt aller vertichnisse ende oplatinge der voirscreven abdissen convente ende oeren naekomelingen
dat voirscreven verndell van Nye Wiltinge myt synen toebehoeren die ses stede mudde roggen myt den lande ende
achterstedigen roggen gelyck voirscreven staet so dat ic noch myne erffgenamen daer niet meer an beholden noch
wachtende en sullen wesen ende hebbe den stock daer van gelacht alse lantrecht is inden lande van Drenthe,
daer an ende over weren bueren van Ees als Albert Eykinge, Roloff Prandinge ende meer gueder lude genoech.
Des tot oerkonde so hebbe ic Johan Visscher voirscreven myn segell voir my ende voir myne erffgenamen beneden
aen desen brieff gehanghen. Gegeven inden jaer onss heren dusentvierhondert twe ende tachtentich
opp sancte Agneten dach der hilliger Jonfferen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	108
Regestnr.	672
Olim	Arch. Klooster Essen, inv.nr. 2, reg. 78. Reg. Feith 1482.29.
Jahr	1482
Datumcode	Agneti

x

x

x

Material	perkament

x