Ludeken Hovekynghe verklaart dat hij een landruil heeft aangegaan met het convent van Essen en bij stoklegging heeft overgedragen een rente, groot een mud rogge, gaande uit het conventsgoed te Borgher, geheten Oestynghe, in ruil voor een rente, groot een mud rogge, gaande uit Hachtinghegued te Druwene.

Ic Ludeken Hovekynghe bekenne myt desen openen breve dat ic volkomeliken qwyt schelde
dat conventhe van Essen geleghen by Gronynghen van eyn erflick stede mudde rogghen dat ic
Ludeken vorscreven plach to hebben over ende uut horen guede ende erve gelegen to Borgher gheheten
Oestynghe voer welck mudde my dat conventhe van Essen vorscreven my eyn erflick stede mudde we-
der ghedaen hebben over Hachtinghe gued to Druwene van welken mudde to Borgher heb ick
Ludeken Hovekynghe vorscreven Johan Egbertsoen den stock van gelecht tot behoef des gemenen conventhes
ende cloesters van Essen vorscreven vor bueren van Borgher als Reyneken Eykynghe ende Hermen Lanthinghe
dat ick Ludeken ofte myne erfgenamen recht, reden noch sprake en sal hebben tot genen tyden dyt
vorscreven mudde bet to manen uut desen vorscreven guede to Borgher vorscreven. Des tot orkunde so heb ick
Ludeken Hovekynghe gebeden den Erberen Hermen Hovekynghe desen breef voer my to bezegelen. So
heb ick Hermen Hovekynge umme bede willen Ludekens myn zeghel an desen breef ghehanghen
inden jaer ons heren dusent veerhundert ende twe ende tachtentich sdinxdages voer vastelavent etcetera

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	169
Regestnr.	674
Olim	Arch. Klooster Essen, inv.nr. 2, reg. 79. Reg. Feith 1482.27.
Jahr	1482
Datumcode	MaVastav

x

x

x

Material	perkament

x