Johan Heppinghe, schout van Swele en Hesselen, doet uitspraak met zijn keurnoten op de rechtszitting te Aelden inzake de rechten van het Olde Convent in Gronynghen, vertegenwoordigd door Sweder Harmens, ten aanzien van de goederen van Lulof Heppinghe te Aelden die behoren bij Heppinghe-erve, waarbij Johan Vysscher, Evert Hebinghe en Ghese in de Haghen verplicht worden de goederen, waarvan zij de eigendom pretenderen, over te dragen.

Ic Johan Heppinghe inder tyt schulte to Swele ende to Hesselen kenne ende tughe in dessen openen breve dat ick hebbe gheseten to Aelden
up den brincke in enen ghehegheden gherichte myt mijnen coernoten alse Henrick Husinghe ende Johan Westerep daer voer my quam
Sweder Hammens [...]weghene des Conventes der gheestlyken magheden tot Gronynghe ende sprack an al de ghene de yenijgher-
leyge guet hebben van Lulofs Heppinghes guede to Aelden dat se neet bewysen en konen myt stocklegghen of myt beseghelden
breven older [...]sene dan des Oonventes vorscr. mudde na inholt eres breves den se daer van hebben dat [...] mudde Acker
ofte made goerden of lijnlant hofstede waer ende schaere ofte enygherleyge tymmer reppelyck ende unreppelijck myt namen
alsulck guet ghenomet ende unghenomet bynnen der marke ende buten der marke als Lulof Heppinghe seligher ghedachten tot
Heppinghe erve to besyttene ende to brukene plach dat se noch an tasten ende vuldoen den vorscr. Convente voer eer achersta-
lyghe renthe ende betalen em jaerlixs eer stede mudde Ende willen se neet an tasten so syn dat Convente vorscr. des oerbodich na wy-
singhe des drosten van Coverden ende der Etten slandes van Drenthe ende willen vuldoen ende betalen Johan Vysscher syne achtijn mudde
jaerlixs ende syne achterstalighe rentht Ende eyschede den stock van den ghenen de neet an tasten en willen Ende mede sprack
he an al de buer van Aelden umme ene kunde ende waerheit to segghen of de maet by der Kerckhorst altoes to Heppinghe
guede ghehoert heft endt eren upghanck heft in Aelder marke ende strecket in Hesseler marke. Mede sprack he an senen
buer van Aelden ende van Hesselen mytter sonnen umme umme rechtes to helpen Do quemen de buer van Erme ende seden se hadden
enen rocht ghehat daer hadden guede manne umme ghetughet ende seden mede van dat stocklegghen ende seden se hopeden dat eer
mudde older weren dan des Conventes mudde ende daer gheven se my ene orkonde up Do quam Egbert Heppinghe ende sede
he hadde lant van Heppinghe guede als van broder scheet ende daer hadde he mudde to kunde ein dat lant we of wynnen myt
rechte den en konde heer neet untholden myt unrechte Do quam Johan Vysscher ende sede want syne veer mudde jongher
weren dan des Conventes mudde ende wolden em vul doen voer syne achtyn mudde so weer he oerbodich em den stock to
legghen van den veer mudden vorscr. Do quam Evert Hebinghe ende sede he hadde de maet Alberte Heppinghe of ghecoft ende
wal betaelt ende em weer de stock daer van ghelecht voer den buren van Hesselen ende anders nemande ende hopet dat se
em daer boven nemant of wynnen en kan Do quam Ghese inden Haghen ende sede dat backhues ende spiker hadde eer
Albert Heppinghe vercoft ende se haddet wal betaelt ende en hadde gheen erfachtich guet daer mede bekrencket ende
hopede dat eer dat nemandtaf wynnen ende konde wantet tylbar guet is Do vraghede Ick schulte een ordel van den
sekeren wo ick daer mede voert solde varen dat ick den clagher rechtes halpe Do wyseden de sekeren de konde ende
de buer to den tughe Do quemen de buer van Aelden ende van Hesselen ende tughedn ende untbonden eren eet up alle de konde
de des Avendes voer gherichte an weren ghesproken Do tugheden de konde vorscr. ende untbonden eren eet dat Lulof Hep-
pinghe seligher ghedachten de maet by der kerckhorst to Heppinghe guede to brukene plach in Aelder marke
so langhe [...] em dencken mochte mer se en wysten neet waer se in Hesseler marke up hoert dan in Aelder marke ende of se
to den erve hoert of neet Do quam Johan Vysscher ende lede den Convente den stock van synen veer mudden mer wolde daer yemant
an tasten de jongher weren dan syne veer mudde beholdelyck dan syne veer mudde Do begheerde Sweder Hammens van my
schulten vorscr. dat ick in eysschen solde al de ghene de jongher mudde of guet hadden dan des Conventfes mudde vorscr. dat se
noch an t[...] [...] des drosten van Coverden ende der Etten wysinghe oftt leden em den stock van Heppinghe guede Ende of se
des neet do[...] wolden so begheerde he een ordel van den sekeren wo he solde comen an dat stocklegghen Do wy seden de
sekeren dat de [...]te solde eysschen al de an weren ghesproken de jongher mudde ende guet hadden de neet an tasten en wolden
dat se em den st[...] leden ende wolden se den stock dan neet legghen dat dan de schulte den stock solde legghen van gherichtes
weghene Ende do eysschede ick schulte vorscr. al de an weren ghesproken voer gherichte de jongher mudde ende guet hadden
dan dat Co[...]nt vorscr. ende neet an tassten en wolden dat se em den stock leden Ende nemande en lede em den stock Do lede ick
schulte vo.. den Convente vorscr. den stock van Heppinghe guede to Aelden myt synen to behoere alse lantrecht is na der
buer ende l.,de tughe ende na der seker wysinghe Ende daer weren buer van Aelden over dat stocklegghen Egbert Schuringhe,
Albert Aleinghe ende Lambert Husinghe In orkonde der waerheit want dat recht voer my schulte vorscr. ghescheen is
so hebbe ick mynen seghel upt spacium desses sbreefs ghedruckt Int laer ons heren dusent veerhondert tweentach-
tentich des [...]nesdaghes na sunte Johannis baptiste.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	368
Regestnr.	678
Olim	Arch. Olde Convent, inv.nr. 59, reg. 64. Reg. Feith 1482.19.
Jahr	1482
Datumcode	DpNatJoh

x

x

Kommentar	Met opgedrukt zegel van Johan Heppinghe

x

Material	papier