Proost Bodwinus, prior Wibbodus, priores Meene en de seniores van het convent te Hilgerlee verklaren te hebben overgedragen aan Beneke, kerkheer te Wynschotten, en zijn broer Sybeke de landen die zij gekregen hebben van hun provenier Popke, voormalig kerkheer te Oldenhove, en die gelegen zijn in Wynschoter kerspel op de Ghast en in Pekelham, in ruil voor kwijtschelding van een rente, groot 21 arnhemse guldens, gaande uit conventslanden over de Pekelbrugge.

Wy frater Bodwinus provest ter hilgerlee ffrater Wibbodus prior suster Meene priorynne ende senoeres des convents vorscr. doen
kundich unde openbar myt dessen teghenwordighen breve wo dat wij een wisschel of awandel hebben ghemaket
myt den Ersamen heer Beneken Kerchere to Wynschotten ende Sybeken synen broder stedich unde vast vor uns ende
unse nakomelinghe in dat ewich to holden in manyere ende formen als hyr na screven staet In den eersten so
draghen wij over heer Beneken unde zynen broder Sybeken vreij ende quijt in dat ewich alle dat erve land ende
sand alzo danich als dat van heer Popken in voertijden Kercheer ten Olden hove un indertyt unses conventes
stedighe unde ewighe provener uns ende unsen convente an ghekomen is dat sy gheleghen in Wynschoter kerspel
ende war dat gheleghen is up de Ghast to Wynschote ende daer Aske wonet unde by Tamme Lubbens h[...]t ende enen
Pekelham utghesproken twe grasen landes welck heer Popke vorscreven dat een sunte Pancractio dat ander unser lever
vrouwen to den Olden Hove gheboket heft na beschyen seghel unde breve welck her Popke onsen convente over
ghegheven heft onder betuchnisse ende seghelen des Ersamen Raeds van Groninghen unde des dekens van Oldenbrug
Ende vor dijt vorscreven land hebben heer Beneko ende Sybeke zijn broder quijt scheldinghe ghedaen vor hoer
ende hoer erfghenamen in dat ewich up sodanighe rente welck hoer overghedraghen waeren onder [...]oghelike
seghele ende breve up unse convents lande gheleghen over de Pekelbrugge welck summe was eenendetwintich
arens gulden jaerliken rente na lande seeden myt Groningher ghelde to bytalen Ende dyt vorscreven convents land hyr
mede vrey ende quijt to wesen van sodanigher ansprake ende Rente als vorscr. is Ende heer Beneke unde
Sybeke zyn broder off hoer erfghenamen alle dyt vorscreven her Popkens land vreij to bruken to versetten to vor
kopen tot hoeren vreijen willen in dat ewich sunder onses off yemans weeder seggen Alledynck sonder
ffalikant arghelist ende nyefundinghe In en orkunde dysser warheit hebben wy Bodwinus provest ende conventes-
luda vorscreven onses conventesseghel an dessen breeff ghehanghen Anno domini dusent veerhundert tweentach-
tentich Martini Episcopi.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	207
Regestnr.	689
Olim	Losse kloosterstukken, inv.nr. 24, reg. 45. Reg. Feith 1482.9.
Jahr	1482
Datumcode	Martin

x

x

Kommentar	Met het zegel van het klooster Heiligerlee

x

Material	perkament