Johan, Henrick en Conraet, zoons van Lambert Egbertssoen, verklaren dat zij ten tweede maal afstand gedaan hebben van alle rechten die zij hebben op de nalatenschap van wijlen hun oom Johan Egbertssoen, ten behoeve van het klooster van Essen, zoals vermeld in de hierbij getransfigeerde akte (kla0691).

Wy Johan, Henrick ende Conraet ghebroeders, Lambert Egbertssoen echte soens bekennen ende betughen mit dessen openen transfixes
breve voer uns ende unse zusters ende unse erffgenamen dat wy anderwerve vertichnisse hebben ghedaen voer uns ende unse zusters ende unse
erffgenamen voer alle ansprake ende recht offt erffnisse dat uns lichte mochte gheboren offt gheervet wesen van uns zelighen oems Johan Egbertssoen
weghen. Ende hebben dat anderwerve upghedraghen ende overghegheven den cloester van Essen mit hande ende mit munde na alle manier ende
forme des principaels breves der quitancien den wy confirmeren ende vestighen ende vast loven te holden in ewicheitmit dessen transfixes
breeff. Ende loven voert den vorscreven convente van Essen ende oeren nakomelingen daer guede waerscapp van te doen voer all die ghene die des
toe rechte willen komen ende sie schadeloes te holden daer van voer all die ghene die daer up spreken moeghen als up erffnisse. Sunder
yenighe arghelist. In oerkunde der waerheit soe hebben wy Johan, Henrick ende Conraet vorscreven want wy selven gheen zeghell en hebben
noch ghebruken die Eersame manne her Johan Rengers Ritter, heer van Schermer, Berent van Merne borgermeyster toe Zwolle ende
Hubert Kauwenborch schulte toe Borgher ghebeden desen brieff voer uns te bezeghelen. Ende wy Johan Rengers, heer van Schermer, Berent
van Marne borgermeyster doe ter tyt toe Zwolle ende Hubert Kauwenborch inder tyt schulte toe Borgher inden lande van Drenthe
want dit in unser teghenwoerdicheit aldus is gheschien als voer dedinges lude um bede willen dessen vorscreven drier broeders soe
hebben wy unse zeghele beneden an dat transfix dat doer twe breve ghesteken is ghehangen. Ghegheven inden jaer uns heren dusent
vierhundert ende tweendetachtentich up sunte Andrees avent des hillighen apostels.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	99
Regestnr.	691
Olim	Arch. Klooster Essen, inv.nr. 2, reg. 83.
Jahr	1482
Datumcode	vAndree

x

x

x

x

Material	perkament

x