Burgemeesters en raad te Gronyngen verklaren dat Eelt Tammens, zijn zwager Elteke en diens vrouw Eweke, zuster van Eelt, hebben verkocht aan abt Johan ten Grave en het convent van Oldencloester vijf akkers land te Sluchteren, begrensd ten zuiden door de Gronendijck, ten noorden door de Ee en ten oosten door Popkemaweer.

Wij borgermesteren unde raed in Gronyngen betughen myt dessen
openen breve dat oer ons synt ghekomen Eelt Tammens Elteke
syn zwaeger ende Eweke syn huus vrouwe Eelts vorscr. suster Ende
bekanden voer em ende oren eerffgenamen dat se hebben verkoefft up
ghedraegen ende oer ghegeven den Eersamen heren heer Johanne ten
Grave Abt ende Convente ten Olden cloester van sunte Benedictus
oerde ende oren naecomelijnghen tot behoeff des convents vorscr.
vijff ackeren landes gelegen toe Sluchteren streckende zuetwert
anden Gronen dijck ende nortwaert an de Ee daer Popkema weer
naest by ter zwete licht up de oester zijt ende Alle Jullens myt
syne mede parten up de wester zijt Ende sollen warck ende
schoet daer van doen voer II achkeren vrij ende quijt eerffliken
ende eweliken toe bruken ende toe besytten voer ene summe geldes
de Eelt Elteke ende Eweke vorscr. bekanden dat em vul unde all
is betaelt sunder argelijst Dat oerkunde wy myt onssen stad
zegell Ghegeven Inden iaere ons heren dusent vierhundert dre
entachtentich up sunte Vijts avent doe Sweder Kater,
Hermen Potter, Roloff Ulger ende Roloff Mepsche borgermesteres
unser stad.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	2
Fol. Nr.	fol. 39r
Regestnr.	704
Olim	Losse kloosterstukken, inv.nr. 1, reg. 48. Reg. Feith 1483.24.
Jahr	1483
Datumcode	vViti

x

x

Material	perkament