De conventslieden van Essen en de buren van Haren verklaren dat zij een minnelijke schikking aanvaard hebben, op straffe van 25 gouden rijnse guldens, gemaakt door Nicolaus, kerkheer te Haren, en Willem Hiddinge, raadsheer te Groningen, waarbij bepaald is dat de buren in 't noorden van Haren gebruik mogen maken van het voetpad over de Esser kamp in het noorden van Haren tussen Buningetwecamp en de OestBuningecamp voor processies, begrafenissen, huwelijken en doopplechtigheden, terwijl de conventslieden van Essen zullen zorgen voor de "bevredinge" van hun kamp in het westen bij Buninge-oestcamp en de buren van Haren voor die in het oesten van de kamp.

Wij conventesluden des cloesters van Essen ende buren van Haren bekennen ende doen kont myt dessen openen breve
dat wy sodane schelinge hiir nabescreven belovet ende gecompromittiert hebben by eenre pene van vijffendetwintich
golden rinssche gulden byden Ersamen heren Nycolaes kercheer in der tijt to Haren ende den Erbaeren Willem Hiddinge
raedman der stad Groningen also dat wes de vorscreven seggessluden uutsprekende worden sullen wy vorscreven parten
holden stede ende vast byder vorscreven breven des compromisses ende enich van ons parten vorscreven dat uutseggen so niet en
dochten to holden so sullen wy dat upseggen mytter vorscreven pene des compromisses dat gelt myt dat upseggen inder
vorscreven seggesluden handen to brengen halff ter seggesluden behoeffende halff tot des parts behoeff de dat seggen
holt. So hebben wy Nycolaus cureyt ende Willem vorgenoemd gekoren seggesluden by ons behoefft ende gebleven als
vorscreven is daer up ene uutsprake gedaen in manieren hiir na volgende. Inden eersten so salmen mytter processien
gaen dat erweerdige hillige sacramente to dragen alst gewoentlic is over den Esser camp gelegen int
noerden van Haren tusschen Buninge twe campen ende voert an over oester Buninge camp ende so sullen de
norder buren van Haren hebben enen voetpat den selven wech oere doden to kercken te dragen, myt brudegamen,
bruden, kinderen ende kraemvrouwen lien to gaende. Des so sullen de van Essen bevreden oeren camp gelegen
int weste by Buninge oestercamp myt ene bequeme bevredinge daer men eerliken doer ende over gaen mach
myt den sacramente, brudegam, bruden, kinderen ende kramvrouwen so als vorscreven is. Ende int oesten vanden vorscreven
campe sullen de norderburen des gelikes oeck maken ene bevredinge myt enen hecke vast so dat de
van Essen daer genen scaden doer en geschie offte hinder van en kome. Weert oeck sake dat de van Essen
hinder offte scade daer doer geschiede so sullen de vorscreven buren vervallen wesen den van Essen in twe
golden rinssche gulden so vake als dat geschiet welker scade offtet geschiede sullen dat cloester vorscreven mogen
manen van den vorscreven buren myt wat rechte geestlic offt warlic waer ende des best mede gevoget. Ende
offte de norder buren van Haren wolden enen wagen wech hebben doer oer hecke vorscreven so sullen sie varen
doer Dreyers steghe, welker steghe sullen de vorscreven norder buren oeck so bevreden dat de van Essen daer
genen scaden oeck doer en geschiet byder vorscreven pene to manen als vorscreven is. Ende so sal dat cloester van Essen
vorscreven sloten voer de vorgenoemde bevestigen besorgen ende de slotelen daer van laten by ene ynde buren by wen een
des best genoget up des men sie krigen mogen by miet ende noede. Ende Lubbert Knotte ende sine erffgenamen
sullen holden oer steghe na uutwysinge syns breves. Weert oec sake dat desse vorscreven parten enige schelinge
hadden offte kregen in dessen uutsprake dat holden wy in onser vorclaringe by der vorscreven pene, wend dan
oere pene van dessen vorscreven parten desse uutsprake mytten gelde upgesecht en hefft men de stede ende vast
angenomen hebben tot ewygen dagen to holden als vorscreven is. Des tot orkonde der waerheit hebbe ic Nycolaus
cureit vorgenoempd gebeden den ersamen heren Matheo capellaen inder tyt to Sunte Merten in Groningen dessen breeff
voer my to bezegelen omme gebreck mijns zegel. Ende ic Matheus vorgenoemd omme bede wille heren Claweze
vorgenoempd hebbe myn zegel ende ick Willem Hiddinge vorgenoempd mijn zegel samentlike an dessen brieff gehangen.
Ghegeven ende uutgesproken inden jaer ons heren dusent vierhundert drieendetachtentich up sunte Sixtus dach pawes.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	155
Regestnr.	708
Olim	Arch. Klooster Essen, inv.nr. 4, reg. 90. Reg. Feith 1483.30.
Jahr	1483
Datumcode	Sixti

x

x

Material	perkament

x