Syko Schroeder en zijn zoon Henrick, woonachtig te Bafflo, verklaren te hebben verkocht en over te dragen aan abt Marsilius en het convent van Selwert een juk land in Raswerder hamrik, welke verklaring bezegeld wordt door Albertus, persona te Bafflo.

Ick Syko Schroeder unde Henrick mijn zoen to Bafflo Bekenne
unde Betuge mit dessen openen brieve Dat wy vercopen unde hebn vercofft
vor ons tmde onse erffgenamen Den eersamen heren meister Marsilium Abd unde con-
vent van Selwert unde oren nacomelingen een Juck landes geleghen
in Raswerder hammerick daer zwette by sint Dat cloesters land vorscr. opp die
Oester zijde unde des kercheren lant opp die Breerde opp die wester zyde Vor ene
summe geldes Die my Syken unde Hinrick vorscr. vul unde al wal betaelt is Den
eersten pennick mitten lesten van den Abdte unde convente vorscr. daer wal an
genoeget waer om Syko unde Henrick vorscr. gheve over vor ons und onsen
erffgenamen dit vorscr. land Den Abdte unde convente vorscr. unde oren nacomelingen
vry unde veerdich to bruken to vercopen to verwisselen unde al oren vryen
willen daer mede to doen sonder argelist. In orconde der waerheit want
ick Syko vorscr. unde Hinrick selver gheen zegel en bruke So heb wy gebeden
Den eersamen heren Meister Albert Persoen unde onsen kercheren to Bafflo
vorscr. dessen breeff over ons to bezegelen ende ick Albertus vorscr. heb myn zeghel
beneden an dessen breeff gehangen om Sykens unde Henricks vorscr. gebede wil-
le Int bijwyzen der wedmanne to Bafflo als Peter Roede unde Sicken Sassama
wedmans wize daer to geropen unde gebeden gegeven in den Jaer ons heren du-
sent vierhondert Dre unde tachtentich op sunte Silvesters avent des hillighen
paeuses.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	20
Fol. Nr.	fol. 103v
Regestnr.	712
Olim	Arch. Klooster Selwerd, inv.nr. 1, reg. 346.
Jahr	1483
Datumcode	vSilves

x

x

Material	perkament