Johan Renghers ten Poste, ambtman te Zelwert en hoofdeling te Schermer, oorkondt dat de buren van Noortlaren hebben verkocht en bij stoklegging overgedragen aan de ministerse en de gemene zusters van het Olde Convent in Gronynghen de gemene weg, lopende over het land van het convent, begrensd ten noorden door de Hoevinghekamp, waarbij bepaald wordt dat de buren er geen gebruik meer van zullen maken.

Ick her Johan Renghers toen Poste inder tijt amptman des gherichtes van Selwert ende hoeflynck toe Schermer bekenne
ende tughe mit dessen openen breve dat voer my sijn ghekomen die ghemene buren van Noortlaren ende bekanden voer
hem ende voer oeren erfgenamen ende nakomelinghen aldaer dat se hebben verkoft ende opghedraghen verkopen ende draghen op
erflick ends ewelick der ministersche ende den ghemenen susteren des Olden Convents in Gronynghen ende oeren nakomelinghen
aldaer tot behoef des selven Convents den ghemenen wech te waghen of te peerde of te voete den die buren voerscr. hadden
ende ghebrukeden doer der susteren voerscr. kamp die ghelegen is bi Hoevynghe kamp int noorden ter naester zwet also
dat die buren voerscr. den wegh den susteren voerscr. alynck ende al toestaen te ghebruiken ende to besitten ende oeren vrijen willen
mede te doen sonder yemants bekroenen of behinderen. Also dat die buren voers, ghenen wech voert meer toe ghenen
tyden hebben of beholden en sullen doer den susteren kamp voerscr. Mer si sullen buten om varen den anderen wech buten
den kamp gheleghen voer ene summe gheldes die den buren voers. vol ende al betaelt is. Hier van so hebben wi buren voers.
den susteren voers. den stock ghelecht als lantrecht is in den gherichte van Zelwert voer den buren van Noortlaren als
Rolef Koevynghe, Clawes Lamberts, Johan Altynghe, Johan Amerynghe, Rolef Lyppinghe, Rolef Nyhof, Johan Zeghesije
ende meer gueder lude ghenoech die mede vanden wynkoep aten ende droncken In orkunde der waerheit so heb ick her
Johan amptman voergen. mijn zeghel beneden aen dessen brief ghehanghen. Ghegeven in den iaer ons heren dusent
vierhondert ende vijf ende tachtentich op sunte Gheertruden dach der hilligher ioncfrouwen.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	363
Regestnr.	726
Olim	Arch. Olde Convent, inv.nr. 48, reg. 71. Reg. Feith 1485.1.
Jahr	1485
Datumcode	Gertru

x

x

Kommentar	Met het zegel van Johan Renghers

x

Material	perkament